আমাৰ ধাৰণাত গল্প কোৱাৰ শৈলীত "নতুন চিন্তা" অনুভৱৰ সুযোগ দিব আন এখন চিনেমা The Seventh String (দ্যা চেভেন্থ ষ্ট্ৰিং)-ৰ পৰিচালক বাহাৰুল ইছলামে। এই আশাৰ কাৰণ চিনেমা খনৰ লেখক এই প্ৰজন্মৰ। --চিনেমা লেখক হিচাবে খোজ পেলাইছে বৰ্ষা বাহাৰে। বাহাৰুল ইছলামৰ জীয়ৰী বৰ্ষা বাহাৰে। বৰ্ষাই চিনেমাখনৰ কাহিনী আৰু চিত্ৰনাট্য ৰচনা কৰাৰ লগতে অভিনয়ো কৰিছে । কব পাৰি দুই প্ৰজন্মৰ চিনেচিন্তাৰ ফচল-- The Seventh String (দ্যা চেভেন্থ ষ্ট্ৰিং)। চিনেমা খনৰ অন্যান্য চৰিত্ৰত অভিনয় কৰিছে পূর্ণিমা পাঠক শইকীয়া , ভাগীৰথী , জিলমিল হাজৰিকা , ডাঃ জয়ন্ত দাস , কুনাল শৰ্মা , সিদ্ধার্থ মুখার্জী , ৰাহুল গৌতম শৰ্মা , দিনেশ কাকতি , আচফাক খান , গুণগুণ , বিনোদ লালা দাস , জিয়া বাহাৰ , ৰাজীৱ ক্রু , মেঘালি কলিতা , নেইন ইবটিজাম , দেৱজিত বৰঠাকুৰ , ৰাজকুমাৰ শাহ , মুন ৰাজীৱ , কল্লোল নাথ , প্রশান্ত কলিতা , দ্বীপজ্যোতি মিশ্র , মুনমী গগৈ আদিয়ে৷ দৃশ্যগ্রহণত পাপু ডেকাৰ। সম্পাদনাত কাজুৰ। চিনেমা খনৰ এটা বিশেষ দিশ, সংগীত বাহাৰুল ইছলামৰ। --এই চিনেমা খন চিত্ৰগৃহলৈ আহিব ১১ নবেম্বৰত। যোৱা ২২ ছেপ্টেম্বৰত চিনেমা খনৰ প'ষ্টাৰ মুকলি কৰে ডা° সান্ত্বনা বৰদলৈয়ে। মণিকুন্দল বৰাই ডিজাইন কৰা প'ষ্টাৰ খন সচা অৰ্থত মন চুই যোৱা। সত্যজিত ৰায়, ভূপেন হাজৰিকাৰ চিনেমাৰ প'ষ্টাৰ ডিজাইন শৈলী মনলৈ আনি দিছে। অনুষ্ঠানৰ শেষত কথা প্ৰসংগত মণিকুন্দলে ক'লে --প'ষ্টাৰ খন সম্পূৰ্ণ কৰিছে দুমাহৰ পৰিশ্ৰমত। প'ষ্টাৰে ইংগীত দিয়ে বাহাৰুল ইছলামৰ এই চিনেকৰ্ম চিনেশিল্পলৈ ৰূপান্তৰ হব!
বাহাৰুল ইছলামৰ প্ৰথম পৰিচালনা ‘আছেনে কোনোবা হিয়াত....' আছিল প্রচলিত 'বৃত্ত'ৰ মাজৰ। দ্বিতীয় পৰিচালনা ‘ৰ'দৰ চিঠি'ও 'বৃত্ত'ৰ মাজৰে আছিল। কিন্তু 'বৃত্ত' ভাঙিছিল। এই ‘বৃত্ত’ভঙা চিনেকৰ্মই আমাক আশা দেখুৱাইছিল, চিত্ৰৰসিকক আনন্দৰ সুযোগ দিছিল। সেই আশা, সুযোগৰ বাবেই মূলতঃ আমাৰ আগ্ৰহৰ কাৰণ – বাহাৰুল ইছলামৰ তৃতীয় পৰিচালনাৰ প্ৰতি,The Seventh String প্ৰতি।
" 'দ্য ছেভেন্থ ষ্ট্রং'— অসমীয়া চিনেমা ৷ প্ৰয়োজনত হিন্দী আৰু আন ভাষাৰ সংলাপ ব্যৱহাৰ কৰা হৈছে।" — আমাৰ প্ৰশ্নৰ উত্তৰত বাহাৰুল ইছলামে ক'লে। নাট্যকর্মী, পৰিচালক গৰাকীয়ে আৰু যি ক’লে, তাৰ পৰা আমি অনুভৱ কৰিলো— ‘দ্য ছেভেন্থ ষ্ট্ৰীং’ এই প্ৰজন্মৰ “চিনেচিন্তা”। মূল কাহিনী, সংলাপ বৰ্ষা বাহাৰৰ। বৰ্ষা বাহাৰুল ইছলাম-ভাগীৰথিৰ জীয়ৰী, বাংগালোৰ খ্ৰীষ্ট ইউনিভাৰচিটীৰ ইংৰাজী সাহিত্য, থিয়েটাৰ, মনোবিজ্ঞানৰ ছাত্ৰী।— বৰ্ষাই যেনেদৰে ভাবিছে, তেনেদৰেই চিত্ৰনাট্য ৰচনা কৰিছে, সংলাপত হাত ফুৰাইছে বাহাৰুল ইছলামে। চিনেমাখনৰ কাহিনীলৈ আহিছে ৩১ বছৰীয়া ‘নায়ক’, ১৩ বছৰীয়া নায়িকা'ৰ প্ৰেম। প্ৰেম চিনেমাখনৰ বিষয়বস্তু। সম্ভৱতঃ প্ৰেমৰ বিশ্লেষণ হ'ব, বৰ্ষাৰ 'চিনেচিন্তা’ৰে। বৰ্ষাৰ 'চিন্তা’ৰে পৰিচালকে কেমেৰাৰ ভাষা, সংলাপৰ লগতে চিনেমাখনৰ বিষয়বস্তু, কাহিনীক গতি দিব সংগীতে। তিনিটা গীত ব্যৱহাৰ কৰিব। ‘বিশেষ খবৰ টো হ'ল চিনেমাখনৰ সংগীত বাহাৰুল ইছলামৰ।
চিনেমাৰ ‘মুড’ পৰিচালকগৰাকীৰ বাহিৰে আন কোনে বুজিব? ‘মোৰ ভাব অনুভৱ কৰি আনে সংগীত কেনেকৈ দিব? সেয়েহে মোৰ পছন্দৰ নহয়। পছন্দ নোহোৱা সংগীত মই মোৰ চিনেমাত কেনেকৈ ব্যৱহাৰ কৰো? সেয়েহে সিদ্ধান্ত ল'লো মোৰ চিনেমাৰ সংগীতৰ কাম মই নিজেই কৰিম।'— 'ছুপাৰ ফিল্ম মেকাৰ'ৰ সঞ্জয় লীলা ভাঞ্চালীয়ে কৈছিল।
বাহাৰুল ইছলামৰ কথাটো সেই একেই সুৰ— 'মোৰ চিনেমাই কেনে ধৰণৰ আৱহ সংগীত বিচাৰে, গীত বিচাৰে মইহে ভালদৰে জানিম।...'
আমি আৰু ইমানখিনি অনুভৱ কৰিলো— কেমেৰাৰে 'বাস্তৱৰ ছবিক গতি দিব। পটভূমিৰ কথা মনত ৰাখি সংলাপ ব্যৱহাৰ কৰিব। কাহিনীয়ে যেনেদৰে লৈ গৈছে, তেনেদৰে কেমেৰা ঘূৰাইছে মুম্বাইত, অসমৰ বিভিন্ন লোকেচনত।
শেষত:
কেৱল 'দ্য ছেভেস্থ ষ্ট্ৰীং' নামেৰে এখন চিনেমাৰে নহয়, এগৰাকী 'চিনেকৰ্মী' নিৰ্মাণৰো কাম চলিছে, নাম বৰ্ষা বাহাৰ।
-------------------------------------------------------------------
পৰিচালনা : বাহাৰুল ইছলাম
কাহিনী : বৰ্ষা বাহাৰ
চিত্ৰনাট্য : বাহাৰুল ইছলাম, বৰষা বাহাৰ
চিত্রগ্রহণ : পাপু ডেকা
কলা নির্দেশক ঃ নুৰুদ্দিন আহমেদ
সংগীত : বাহাৰুল ইছলাম
অভিনয় : পূর্ণিমা পাঠক শইকীয়া, বৰষা বাহাৰ, জিলমিল হাজৰিকা, ভাগীৰথী, ডঃ জয়ন্ত দাস, সিদ্ধার্থ মুখার্জী, ৰাহুল গৌতম শৰ্মা, দেৱজিৎ বৰঠাকুৰ, দ্বীপ জ্যোতি মিশ্র... ।
সাজসজ্জা পৰিকল্পনা : ৰ'জী বৰা ।
দৈর্ঘ : ৯০ মিনিট (সম্ভবতঃ)
চিত্ৰগৃহলৈ: ২ ডিচেম্বৰ ২০২২
মন্তব্যসমূহ
একটি মন্তব্য পোস্ট করুন