চিনেমা খনৰ বাজেট ৩.৫ কোটি টকা। বলিউদৰ চিনেমা। আজিৰ তাৰিখত অতি কম বাজেটৰ চিনেমা। বলিউদৰ কম বাজেটৰ চিনেমা এখনত আজিৰ তাৰিখত ৯-১০ কোটি টকা খৰচ হয় বা কৰে। কিন্তু "shadow assassins" (“শ্বেড' এছাচিনছ”) -ৰ পৰিচালক গৰাকীয়ে কৰা নাই বা কৰিব পৰা নাই। পৰিচালক গৰাকীৰ ধাৰণা, কম খৰচতো ৰূপালী গল্প এটা পৰিপাটিকৈ দৰ্শকৰ ওচৰলৈ নিব পাৰি, বিষয়বস্তুৰে দৰ্শকক চুব পাৰি। পৰিচালক গৰাকীৰ ধাৰণাত, চিনেমা খনৰ বিষয়বস্তুৱে দৰ্শকক স্পৰ্শ কৰিব! আৰু এই ক'লা অধ্যয় এই প্ৰজন্মই জানিব লাগে।
পৰিচালক- লেখক নীলাঞ্জন ৰীতা দত্তৰ (পুনেৰ ফিল্ম এণ্ড টেলিভিছন ইনষ্টিটিউট অৱ ইণ্ডিয়াৰ প্ৰাক্তন ছাত্ৰ তথা প্ৰাক্তন অধ্যাপক। দুবাৰকৈ ৰাষ্ট্ৰীয় চলচ্চিত্ৰ বঁটাৰে পুৰস্কৃত হৈছে ৷) কথাত এয়া স্পষ্ট, অসম আৰ্থিক, শিক্ষা আদি দিশত পাছ পৰি আছে, বা পৰাৰ এটা কাৰণ, গুপ্তহত্যাৰ মন গধুৰ কৰা সেই (অ) সময়। --হয়, চিনেমা খনৰ বিষয়বস্তু অসমৰ সমাজ জীৱন কপাই যোৱা গুপ্তহত্যা। আমাৰ মনত আছে, সেই (অ) সময়। এন্ধাৰ নামিলেই মনত ভয়ৰ বোজা বঢ়া সেই (অ) সময়! বহুতেই তেতিয়া কৈছিল, "ৰাতিটো বোলোতেই হাতীটো"!
পৰৱৰ্তী সময়ত আমি শুনিছিলোঁ --"সেই সময়ত অসমৰ এজন প্ৰাক্তন মুখ্যমন্ত্ৰী আৰু কেবাজনো প্ৰাক্তন আলফাকে ধৰি উচ্চপদস্থ আৰক্ষী বিষয়াৰ নাম গুপ্ত হত্যাৰ সৈতে জড়িত থকা বুলি অভিযোগ উত্থাপিত হৈছে।" নব্বৈ দশকত অসমত প্ৰায় ৩টা বছৰ ধৰি বিভীষিকাময় পৰিবেশ সৃষ্টি কৰা গুপ্তহত্যাক লৈ পৰৱৰ্তী সময়ত ৰাজনীতি হৈছে,তদন্ত হৈছে, ভিন্ন প্লেটফৰ্মত চৰ্চা হৈছে। কিন্তু বহুতে নজনাকৈয়ে ৰৈ গৈছে বহু কথা, বহু "বাস্তবৰ চৰিত্ৰ"। তেনে "চৰিত্ৰ" হয়তো অনুভৱ কৰিব পাৰে “শ্বেড' এছাচিনছ”ৰ দৰ্শক হোৱাৰ পাছত। ৯ ডিচেম্বৰত চিনেমা খন চিত্ৰগৃহলৈ অহাৰ পাছত।
পৰিচালকৰ লগতে অভিনেতা মনোজ বৰকটকী আদিয়ে মত বিনিময় কৰিছিল অসমৰ সংবাদ মাধ্যমৰ সৈতে। জনাইছিল, "মূলতঃ ৯০ দশকৰ সেই ক'লা অধ্যায়ৰ সময়চোৱাত অসমত কিদৰে এটা পৰিয়ালে বিভিন্ন ঘাত- প্ৰতিঘাতৰ মাজত নিজৰ সৰ্বস্ব হেৰুৱাই পেলাইছিল, তাকেই এক কাল্পনিক ৰূপত দেখুওৱা হৈছে চিনেমাখনত। কাহিনী যদিও কাল্পনিক, কিন্তু তাৰ পটভূমি এক নিষ্ঠুৰ বাস্তৱ। কাহিনীৰ মাজত হয়তো বহুতেই নিজৰ পৰিচিত বহু ঘটনা, কাহিনীক দেখিবলৈ পাব বুলি আশা কৰিব পাৰি।"
এই ৰূপালী অপৰাধ (ক্ৰাইম) গল্পটোত অভিনয় কৰিছে অনুৰাগ চিহ্না, মিষ্টি চক্ৰৱৰ্তী, হেমন্ত খেৰ, মনোজ বৰকটকী, মহেশ গিন্নিলাল, পৰীক্ষিত তামুলী, মৃগেন্দ্ৰ নাৰায়ণ কোঁৱৰ, ৰঞ্জীৱ লাল বৰুৱা, স্তুতি চৌধুৰী, ভায়'লেট নাজিৰ তিৱাৰী আদিয়ে।
shadow assassins by: Utpal Mena
মন্তব্যসমূহ
একটি মন্তব্য পোস্ট করুন