কালি যে আমি শুনিলো, চালোঁ-- গীতাংশ, কথা-- কাহিনী কৈ যোৱা, সুৰ-গায়কী মন চুই যোৱা

তৰালি শৰ্মাই কৈছিল মঞ্জুলৰ কথা। চিনেকথা। ভাল কাম ভালদৰে কৰা পৰিচলক। "অন্তৰীণ"ৰ ধাৰণা তৰালিৰ পৰা পোৱাৰ পাছত মঞ্জুলক কৈছিলোঁ ("ফোন" কৰিছিলোঁ) --চিনেমা খন চোৱাৰ মন, তোমাৰ কাম অনুভৱ কৰাৰ মন! তেতিয়ালৈকে মঞ্জুলক জনা নাছিলো, লগ পোৱা নাছিলো। লগ পালো, জানিলো, সেই যে ফোন কৰিছিলো, তাৰ দুদিন মান পাছত। নিজে আমাৰ ঘৰলৈ আহি চিনেমা খন দেখুৱাইছিল, মঞ্জুলৰ চিনেকৰ্মক অনুভৱ কৰাৰ সুযোগ দিছিল। আমি ধাৰণা কৰি লৈছিলো-- মঞ্জুল বৰুৱা নামেৰে "অসমীয়া চিনেমা"ই অসমীয়া চিনেমাৰ উত্তৰণত সহায় কৰিব পৰিচালক এগৰাকী পালে। আমাৰ এই ধাৰণাৰ বুনিয়াদ আছিল চিনেমা খনৰ "গল্প" নিৰ্বাচন, গল্প কোৱাৰ কৌশল, চিনেমাৰ ভাষা (cinematic language) ব্যৱহাৰ ইত্যাদি। 

--"অন্তৰীণ"ৰ পাছত চাইছিলোঁ "কানীন"। এই চিনেমা খনৰো "গল্প" নিৰ্বাচন আৰু কোৱাৰ কৌশলে আমাক আকৰ্ষণ কৰিছিল। (অৱশ্যে সম্পূৰ্ণ সন্তুষ্ট কৰিব পাৰা নাছিল। নাছিল এই কাৰণেই, আমি অনুভৱ কৰা "চিনেকৰ্মী মঞ্জুল ধাৰণা" আছিল অতি উচ্চ।) চিনেমা খনৰ মূল চৰিত্ৰ মন্দিৰা বৰুৱাক নিৰ্মাণ কৰিছিল ডাঃ জাহানাৰা বেগমক লৈ। এই গৰাকী নাট্যকৰ্মীক লৈ মঞ্জুলে নিৰ্মাণ কৰিলে আৰু এটা চৰিত্ৰ-- "অনুপমা বৰুৱা। "অনুপমা বৰুৱা সেই বৃদ্ধা গৰাকী । যিগৰাকী মোৰ মাই , আপোনালোকৰ মা বা আই ।  আমাক দহমাহ দহদিন গৰ্ভত ধাৰণ কৰা মা । আমাৰ অলপ আঘাতত আমাক বুকুত সাৱটি লোৱা মা । নিজে নাখাই আমাক খাবলৈ দিয়া মা ৷ আমাক পল পল ডাঙৰ কৰি আমাৰ উজ্জ্বল ভবিষ্যতৰ গঢ় দিয়া মা।" --ডাঃ জাহানাৰা বেগমৰ ভাষাত।

--ডাঃ জাহানাৰা বেগমে অভিনয় কৰা এই চৰিত্ৰটো আমি ভালদৰে অনুভৱ কৰাৰ সুযোগ পাম আহা ২৭ জানুৱাৰীত। এই দিনটোতে অসমৰ চিত্ৰগৃহলৈ আহিব এই অসমীয়া চিনেমা খন।

--কালি অনুপমা বৰুৱাক, চিনেমা খন কিছু অনুভৱয সুযোগ দিলে, সংগীত মুকলি অনুষ্ঠানত। গীত শুনিলো, গীত চালো --, "অনুৰ"ৰ। সংগীত তৰালি শৰ্মাৰ। চোৱা-শুনা গীত দুটা (কণ্ঠ: এটাত তৰালি শৰ্মাৰ, আনটোত ৰূপম ভূঞাৰ) কিন্তু চিনেমা খনত তেনেদৰে নাথাকে, যেনেদৰে দুটা গীতৰ আকাৰত দেখুৱালে। পৰিৱেশ নিৰ্মাণ, গল্প আগবঢ়াবলৈ টুকুৰা টুকুৰাকৈ ব্যৱহাৰ কৰিছে! গীত আৰু গীতৰ চিত্ৰায়নৰ পৰা ধাৰণা কৰিছো "অনুৰ"-এ চিত্ৰৰসিকক চিনে আনন্দ দিব। 

--চিনেমা খনত মূল চৰিত্ৰটোৰ বিপৰীতে যিটো চৰিত্ৰ নিৰ্মাণ কৰিছে, সেই চৰিত্ৰটোত অভিনয় কৰিছে ৰজত কাপুৰে। নিশ্চয় আশা কৰিব পাৰো, ৰজত কাপুৰৰ অভিনয় হব চিনেমা খনৰ সৌন্দৰ্য।

--আমাৰ ধাৰণাত, অভিনয়ৰ লগতে ৰূপালী গল্পটোৰ সৌন্দৰ্য বঢ়াব সংগীত অলংকাৰে। কালি যে আমি শুনিলো, চালোঁ-- গীতাংশ, কথা-- কাহিনী কৈ যোৱা, সুৰ-গায়কী মন চুই যোৱা। (আৰু লিখিম wait😊 )অসমীয়া চিনেমা by: Utpal Mena