"পাঠান" আহিছে, অসমীয়া চিনেমা "অনুৰ"-এ চিত্ৰগৃহ পোৱা নাই। চিনেমা খনৰ পৰিচালক মঞ্জুল বৰুৱাৰ ক্ষোভ-- "আমিবোৰে চাগে চিনেমাই বনোৱা উচিত নহয়।"

অসমতে অসমীয়া চিনেমাৰ "চিত্ৰগৃহ সমস্যা" --সেই তেতিয়াৰে পৰা এতিয়ালৈ। "পাঠান" আহিছে, অসমীয়া চিনেমা "অনুৰ"-এ চিত্ৰগৃহ পোৱা নাই। চিনেমা খনৰ পৰিচালক মঞ্জুল বৰুৱাৰ ক্ষোভ-- "আমিবোৰে চাগে চিনেমাই বনোৱা উচিত নহয়।" চিনেমা খনৰ অভিনেত্ৰী ডাঃ জাহানাৰা বেগমৰ ক্ষোভ-- "ইমান কষ্ট , ইমান আশা ,দেশ বিদেশত ইমান আদৰ ৷ কিন্তু নিজৰ ঠাইত আমাৰ এনে অৱস্থা। মন ভাঙিম নে পণ কৰিম ?" আমাৰ ক্ষোভ-- এই সমস্যৰ স্থায়ী সমাধান অসম চৰকাৰৰ "অসমীয়া চিনেমাৰ উত্তৰণ আৰু উন্নয়ণৰ চিন্তা কৰা" বিভাগটোৱে কৰা নাই কিয়? অসমৰ চিত্ৰগৃহত "প্ৰথম অসমীয়া চিনেমা নীতি" গ্ৰহণ নকৰে কিয়? (ৰাজ্যিক চলচ্চিত্ৰ নীতি --২০১৯ত কি  উল্লেখ আছে সেয়া চৰ্চা কৰিব খোজা নাই।) 

আৰু এটা কথা মন কৰিছো, অসমীয়া চিনেমা কেন্দ্ৰীক সংগঠন কেইটাই এনে "সমস্যা"ৰ সময়ত, "সমস্যা"ত পৰা প্ৰযোজক-পৰিচালকৰ হৈ মাত নমাতে কিয়?

চিত্ৰগৃহ কেন্দ্ৰীক এনে সমস্যা "এখন অসমীয়া চিনেমা"ৰ সমস্যা নহয়, "অসমীয়া চিনেমাৰ সমস্যা" --এই কথা আমি সকলোৱে, অসমৰ চিনেকৰ্মী সকলে অনুভৱ কৰা উচিৎ, নহয় নে?

[কালি নিশা অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিতৰ অধ্যক্ষ সীমান্ত শেখৰক "অনুৰ"ৰ "চিত্ৰগৃহ সমস্যা"ৰ কথা জনাইছিলোঁ, ব্যক্তিগত ভাৱে। অধ্যক্ষ গৰাকীৰ যোগাত্মক সহাৰিয়ে আশা দেখুৱাইছে "অনুৰ"ৰ "চিত্ৰগৃহ সমস্যা" সমাধান হ'ব।]

assamese cinema by: Utpal Mena