দৰ্শক আহিছে। অসমীয়া চিনেমা এখন চাবলৈ দৰ্শকে ভিৰ কৰিছে। বলিউড বা তমিল-তেলেগু চিনেমাৰ ("জনপ্ৰিয় ফৰ্মুলা"ৰে) শৈলীৰে বা কাহিনী, সংলাপ, চৰিত্ৰ কপি কৰি নিৰ্মাণ কৰা অসমীয়া চিনেমা নহয়, মৌলিক চিনচিন্তাৰে, অনুৰাধা শৰ্মা পূজাৰীৰ জনপ্ৰিয় গল্পৰ আধাৰত ৰচনা কৰা চিত্ৰনাট্যৰে নিৰ্মাণ কৰা অসমীয়া চিনেমা এখন চাবলৈ দৰ্শকে ভিৰ কৰিছে।
--আজিৰ তাৰিখত "অসমীয়া চিনেমা"ৰ বাবে ইয়াতকৈ ভাল খবৰ কি হ'ব পাৰে! কিন্তু দুখৰ বিষয়, এই যে মঞ্জুল বৰুৱাৰ মৌলিক চিনেচিন্তাৰে নিৰ্মাণ হোৱা অসমীয়া চিনেমা খনে "বজাৰ সফলতা" পাইছে, এই "সফলতা"ক একাংশই বাধা দিয়াৰ অভিযোগ চৰ্চালৈ আহিছে। চিনেমা খনৰ পৰিচালক মঞ্জুল বৰুৱাৰ প্ৰশ্ন-- "ভালকৈ চলি থকা 'অনুৰ' চিনেমাখন দৰ্শক নহবলৈ আপ্ৰাণ চেষ্টা কৰি থকা হৈছে। এইবাৰ হঠাৎ সময়টো ৰাতিপুৱা ৮.৪০ (পুৱা) কিয় কৰি দি দিলে ?"
--হয়, পুৱা ৮.৩০ বজাত দিয়াতকৈ নিদিয়াই ভাল। কোন আহিব ৮.৩০ বজাত "অনুৰ" চাবলৈ?
আৰু ভিন্ন সময়! চিনেমা খন সোনাৰিৰ কল্পনা চিনেমাহলত যোৱা শুকুৰবাৰে "হাউছফুল" হৈছিল। স্বাভাৱিকতে সপ্তহটো একেটা সময়তে প্ৰদৰ্শন হ'ব লাগিছিল। নহ'ল! প্ৰদৰ্শন হ'ল শনিবাৰ - ১২.৪৫, দেওবাৰে-সোমবাৰে ১২.২০, মঙ্গলবাৰে ১২.১০ বজাত। পৰিচলক মঞ্জুল বৰুৱাৰ প্ৰশ্ন-- "চিনেমাৰ শ্ববোৰ সদায় সলনি কৰি দৰ্শকক বিভ্ৰান্তি কৰাৰ উদ্দেশ্য কি ?" --এই প্ৰশ্ন আমাৰো। উত্তৰ কোনে দিব? চিত্ৰগৃহৰ মালিকক এই প্ৰশ্নৰ উত্তৰ দিবলৈ বাধ্য কৰাব নে বা কৰাব পাৰিবনে, অসম ৰাজ্যিক চলচ্চিত্ৰ (বিত্ত আৰু উন্নয়ন) নিগমে।
কোন মন্তব্য নেই:
একটি মন্তব্য পোস্ট করুন