সরাসরি প্রধান সামগ্রীতে চলে যান

জুৰী পৰ্ব ১ ...

বঁটা, জুৰী প্ৰসংগত বিভিন্ন চৰ্চা শুনি আছিলোঁ। পঢ়িছিলোঁ, বিশেষকৈ সামাজিক মাধ্যমত। বঁটা ক্ৰয়-বিক্ৰয়ৰ কথাও শুনিছিলোঁ, পঢ়িছোঁ। পঢ়িছোঁ, ঋষি কাপুৰে ১৯৭৩ চনত বঁটা ক্ৰয়ৰ কথা, যিটো বঁটা দৰাচলতে অমিতাভ বচ্চনে পাব লাগিছিল। এই বঁটা ক্ৰয়ৰ কথা কোনে লিখিছিল বা প্ৰকাশ কৰিছিল? --ঋষি কাপুৰে, নিজে, তেওঁৰ biography "Khullam Khulla" -ত। 
"মই ভাবো যে অমিতাভে হুমুনিয়াহ কাঢ়িছিল, কাৰণ মই "ববি"ৰ বাবে শ্ৰেষ্ঠ অভিনেতাৰ বঁটা লাভ কৰিছিলোঁ, যিটো সেই যুগৰ আগশাৰীৰ চিনেমা আলোচনীয়ে দিয়া বঁটা। মই নিশ্চিত যে তেওঁ অনুভৱ কৰিছিল-- সেই বঁটাটো একে বছৰতে মুক্তি পোৱা "জঞ্জীৰ"ৰ বাবে সঠিকভাৱে তেওঁৰে আছিল।" --ঋষি কাপুৰে লিখিছিল।
এনে ধৰনৰ আৰু বহু কথা সময়ে সময়ে চৰ্চা হৈছে, ভিন্ন মাধ্যমত।
--আমাৰ এই চৰ্চা আগবঢ়াম, চৰ্চলৈ অহা "বঁটা ক্ৰয়-বিক্ৰয়"ৰ দুৱাৰো মুকলি কৰি যাম। 
অসমতো "বঁটাৰ দোকান" কেন্দ্ৰীক চৰ্চা নোহোৱা নহয়। এনে ধৰণৰ চৰ্চাও মন কৰিছোঁ-- এক বিশেষ "লবী"ৰ নিয়ন্ত্ৰণত অসমৰ, অসম কেন্দ্ৰীক "চিনেমাৰ বঁটা"। আনকি "জুৰী" নিৰ্বাচন প্ৰক্ৰিয়া বিশেষ "লবী"ৰ নিয়ন্ত্ৰণত। ৬৮ সংখ্যক ৰাষ্ট্ৰীয় চলচ্চিত্ৰ বঁটা ঘোষণা কৰাৰ আগে আগে "অসমৰ জুৰী" কেন্দ্ৰীক চৰ্চা হৈছিল। অসমৰ পৰা যোৱা জুৰী গৰাকীৰ "চিনে অভিজ্ঞতা"ক প্ৰশ্ন উত্থাপন হৈছিল, চৰ্চা হৈছিল-- অসমৰ "বিশেষ লবী"য়ে "বিশেষ চিনেমা" এখনৰ স্বাৰ্থত দুখন মান অসমীয়া চিনেমাত অভিনয় কৰ, মঞ্চাভিনেত্ৰী গৰাকীক "জুৰী"ৰ আসনত বহুৱাবলৈ "ৰাজনীতি" কৰিছিল, সফল হৈছিল। 
এই "বিশেষ লবী"টোৰ বিৰূদ্ধে একাংশ পৰিচালক-প্ৰযোজকে মাত নমতা নহয়। এগৰাকী প্ৰযোজকে (*প্ৰযোজক গৰাকীৰ লেখাটো আমাৰ হাতত পৰিলে ইয়াত সংযোগ কৰি দিম। লেখাটো আমি বিছাৰি পোৱা নাই। প্ৰযোজক গৰাকীয়ে দিম বুলিছে।) দুগৰাকী ব্যক্তিৰ "নাম" উল্লেখ লিখিছিল-- তেওঁ লোকৰ সৈতে সম্পৰ্ক ভালে ৰাখিব লাগে, ঘৰত গৈ চিনেমা দেখুৱাব লাগে। অন্যথা আমাৰ চিনেমাৰ পাছত লাগি যায়, বিভিন্ন "বঁটা" চলচ্চিত্ৰ মহোৎসৱৰ বাট বন্ধ কৰাত।
--এই "চৰ্চা" কিমান সত্য? চৰ্চা কৰিম, আমাৰ শেহতীয়া "অভিজ্ঞতা"ৰে, আমাৰ হাতত থকা তথ্যৰে। চৰ্চা কৰিম "বঁটা" প্ৰদানৰ পূৰ্বে, নিৰ্বাচনৰ পূৰ্বে "জুৰী"ৰ নাম চৰ্চালৈ অহা প্ৰসংগও। (আৰু আছে😊)

মন্তব্যসমূহ

একটি মন্তব্য পোস্ট করুন

Other posts

চিনেবোদ্ধা, চিনেযোদ্ধা আৰু অসমীয়া 'চিনেমা নোচোৱা' সীমান্ত শেখৰ /২

উৎপল বৰপূজাৰী,জাহ্নু বৰুৱা, বিতোপন বৰবৰা, যদুমনি দত্ত, ৰীমা দাসক অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিতৰ অধ্যক্ষৰ দায়িত্ব দিব নোৱাৰাৰ কাৰণ কি? উৎপল বৰপূজাৰী,জাহ্নু বৰুৱা, বিতোপন বৰবৰা, যদুমনি দত্ত, ৰীমা দাসক অসম ৰাজ্যিক চলচ্চিত্ৰ (বিত্ত আৰু উন্নয়ন) নিগম পৰিসীমিতৰ অধ্যক্ষৰ দায়িত্ব দিব নোৱাৰাৰ কাৰণ কি? ৰাজ্যৰ লগতে দেশ-বিদেশৰ চিনেমাৰ অনুভৱ থকা এই নাম কেইটা উদাহৰণ মাত্ৰ। 'চিনেমা' জনা ( নিৰ্মাণ, বজাৰ, মহোৎসৱ ইত্যাদিৰ দখল থকা) লোকৰ আকাল অসমত আছে বুলি নাভাবো। এই কথা স্পষ্ট 'অসমীয়া চিনেমা'ৰ 'উন্নয়ন'ৰ বাবে অসমীয়া চিনেমাৰ লগতে 'দেশ-বিদেশৰ চিনেমা' জানিব লগিব। অধ্যয়ণ কৰিব লাগিব অধ্যক্ষ গৰাকীয়ে।  ( যদি অধ্যক্ষ গৰাকীৰ কাম কেৱল চহী কৰা, তেতিয়া হ'লে বেলেগ কথা! তেতিয়া আমি জানিব বিছাৰিম-- অধ্যক্ষ গৰাকীয়ে কাৰ নিৰ্দেশত চহী কৰে?) চৰ্চ হৈছে --অধ্যক্ষৰ আসনত বহুওৱা সীমান্ত শেখৰে কোনোবা ইণ্টাৰভিউত হেনো কৈছিল অসমীয়া চিনেমা নাচাওঁ বুলি! যদি এয়া সত্য, স্বাভাবিকতে কব লাগিব --অসমীয়া চিনেমা নোচোৱা অধ্যক্ষ এগৰাকীৰ নেতৃত্বত অসমীয়া চিনেমাৰ উত...
একটি মন্তব্য পোস্ট করুন
Read more »

ভূপেন হাজৰিকা, চিনেমা আৰু চিনেমাৰ জাল /৯

Bhupen Hazarika "এৰা বাটৰ সুৰ"-এ চিনে অভিজ্ঞতা দিলে ভূপেন হাজৰিকাক। চিত্ৰৰসিকে ভাল পালে, চিনেমা আলোচকেও প্ৰশংসা কৰিলে-- সেয়াই আছিল প্ৰথম চিনেকৰ্মৰ সুখ। দুখ-- ৰাষ্ট্ৰীয় চলচ্চিত্ৰ বঁটাৰ "সুখ" আশা কৰিছিল, নাপালে। নপোৱাৰ বাবে আছৰিত হৈছিল, চিনেমা খনৰ দৰ্শক হোৱা চিনেমা আলোচক সকলো। কলিকতাৰ আলোচক সকলৰ ওচৰত ভৃপেন হাজৰিকাই নিজৰ মনৰ চিনেসুখ প্ৰকাশ কৰিছিল এনেদৰে-- "ছবি ভাল পোৱা সকলে ভাল পাইছে, আপোনালোকে ভাল পাইছে। আপোনালোকৰ ভাল পোৱাই মোৰ সুখ বঢ়াইছে। আৰু ছবি কৰিবলৈ সাহস দিছে। আৰু ছবি কৰিম। 'এৰা বাটৰ সুৰ'ৰ দৰে নহয়, কিছু বেলেগ। 'এৰা বাটৰ সুৰ'-এ শিকালে, যি শিকালে সেই খিনিৰে বেলেগ কৰিম।" (উৎস: চিত্ৰবাণী, সম্পাদক: গৌৰ চট্টোপধ্যায়) প্ৰথম পৰিচালনাৰ প্ৰায় ৪ বছৰ পাছত হাতত ল'লে দ্বিতীয় খন অসমীয়া চিনেমাৰ কাম। ("মোৰ মগজুত খেলালে, মই এখন অসমীয়া ছবি কৰিম। কিন্তু মই কিন্তু নলওঁ। 'এৰাবাটৰ সুৰখন পৰীক্ষামূলক আছিল, কাহিনী নাছিল। গতিশীল সমূহ এটাই বুটলি লোৱা অভিজ্ঞতাখিনিয়েই 'এৰাবাটৰ সুৰ। এইবাৰ মই ক্লাছিক বস্তু, এটা লোৱাৰ কথা ভাবিলোঁ, যিটো গাঁৱ...
একটি মন্তব্য পোস্ট করুন
Read more »

গীতটো আৰু এবাৰ শুনাবানে?

assamese singer by: Utpal Mena মহাশ্বেতাই গাইছিল-- "অস্ত আকাশৰে সপোন ৰহণ সানি ক্লান্ত লুইতৰে হেঙুলীয়া পানী। বৈয়ে যায়, বৈয়ে যায়, বৈয়ে যায়..." মঞ্চলৈ উঠি আহিয়ে স্বনামধন্য ভাৰতীয় সৰোদবাদক তথা শাস্ত্রীয় সঙ্গীতজ্ঞ আমজাদ আলী খানে কৈছিল, মহাশ্বেতা গীতটো আৰু এবাৰ শুনাবানে? শুনাইছিল। তন্ময় হৈ শুনিছিল সংগীত নক্ষত্ৰই। ২৪ ছেপ্টেম্বৰ। নতুন দিল্লীৰ শ্ৰীমন্ত শংকৰদেৱ ভৱনত মোৰ ভূপেন হাজৰিকা প্ৰকল্পৰ দ্বিতীয় খণ্ড "Bhupen Hazarika Volume II"  উন্মোচন কৰিছিল সংগীত নক্ষত্ৰ আমজাদ আলী খানে। এই অনুষ্ঠান মুকলি কৰা হৈছিল মহাশ্বেতাই গোৱা "ভূপেন্দ্ৰ সংগীত"টোৰে।  এই যে গীতটো গাইছিল তাৰ আগলৈকে মহাশ্বেতা নামৰ গায়িকা গৰাকীক আমিয়ো জনা নাছিলোঁ। শুনিছিলো মাত্ৰ। ইউটিউবত। কিন্তু ইমান সুন্দৰ সাংগীতিক অনুভৱ কৰা নাছিলোঁ, মঞ্চত "অস্ত আকাশৰে সপোন..." শুনাৰ আগলৈকে। ১৯৫৮ চনতে সুধাকণ্ঠই শব্দ-সুৰেৰে ৰচনা কৰা এই গীতত আকৌ এবাৰ অনুভৱ কৰিছিলোঁ "লুইতৰ অস্ত ৰবিৰ সৌন্দৰ্য", "দুয়ো পাৰে কত মানুহ, কত যে ইতিহাস", "জীৱনৰে দিগন্ত অপাৰ" ইত্যাদি। পাছত মহাশ্বেতাক সুধিছিলোঁ--...
১টি মন্তব্য
Read more »

The Seventh String

" The Seventh String by: Utpal Mena "The Seventh String" (দ্যা চেভেন্থ ষ্ট্ৰিং) --নাট্যকৰ্মী বাহাৰুল ইছলামৰ চিনেকৰ্ম। চিনেমা খনৰ লেখক বৰ্ষা বাহাৰ। নাট্যকৰ্মী বাহাৰুল ইছলামৰ তনয়া বৰ্ষা বাহাৰে ইংৰাজিত লিখা এটা চুটি গল্প চিনেমা খনৰ শিপা। --চিনেমা খনত লেখক বৰ্ষা বাহাৰ এটা "চৰিত্ৰ'লৈ ৰূপান্তৰ হৈছে, যিটো "চৰিত্ৰ" (নিষ্ঠা কাশ্যপ) চিনেমা খনৰ মূল বিন্দু, যিটো বিন্দুৰ সৰল ৰৈখিক গতিয়ে আকাৰ দিছে এটা কাহিনীৰ। "বাস্তৱবাদ"ৰ ওচৰৰ কাহিনী, বাস্তৱ অভিনয় (realistic acting) -ৰে নিৰ্মাণ কৰা ৰূপালী গল্পৰ। শীৰ্ষ বিন্দু (climax)-ৰ পৰা গতি কৰিছে নিষ্ঠা কাশ্যপ বিন্দুটো। নিষ্ঠাই মৃত্যু বিচাৰিছে। হাতৰ শিৰা কাটি চৰম সিদ্ধান্ত লোৱাৰ চেষ্টা নিষ্ঠাৰ। এই প্ৰথম বিন্দুটো পৰিচালকে ঠিয় কৰাইছে কেমেৰাৰ ভাষাৰে। কাট কাট-- কেইটা মান শ্বটেৰে। চিনেমেটিক কাৰবাৰত --উত্তেজনা। দৰ্শকক ভাবিবলৈ সময় দিয়া নাই। উত্তেজনাৰ মাজত সোমাবলৈ বাধ্য-- দৰ্শক। আৰু যেতিয়া দৰ্শক উত্তেজনাৰ পৰা মুক্ত হৈছে কাহিনীয়ে আকাৰ লৈ গতি কৰিছে। কাহিনীয়ে দৰ্শকক বন্দী কৰিছে। --ৰূপালী গল্পটো আৰম্ভ হৈছে মুম্বাইত। লো...
একটি মন্তব্য পোস্ট করুন
Read more »