"দেৱদাস" --এখন বাংলা উপন্যাস। শৰৎচন্দ্র চট্টোপাধ্যায়ৰ। প্ৰকাশ পাইছিল ৩০ জুন ১৯১৭ -ত।
এই উসন্যাস খনৰে ৰূপালী গল্প-- "দেৱদাস"। পৰিচালনা কৰিছিল এগৰাকী অসমীয়াই, বাংলা ভাষাত।
--হয়, প্ৰমথেশ বৰুৱাই (চিত্ৰগৃহলৈ আহিছিল ১৯৩৫ চনৰ ৩০ মার্চত। দৈর্ঘ্য:১৪১ মিনিট।) বিখ্যাত দেৱ চৰিত্ৰটোত প্ৰমথেশ বৰুৱাই অভিনয়ো কৰিছিল দুই নায়িকা যমুনা বৰুৱা, চন্দ্রাবতী দেৱীৰ বিপৰীতে।
আৰু তাৰ পাছত?
আৰম্ভ হৈছিল "দেৱদাস" কেন্দ্ৰীক ৰূপালী পৰ্দাৰ সোনালী অধ্যায়।
নিৰ্মাণ হয় আৰু কেইবা খনো বাংলা "দেৱদাস"। তমিল, তেলেগু, হিন্দী ভাষাতো কেইবা খনো "দেৱদাস" নিৰ্মাণ হয়, চৰ্চালৈ আহে। বিশেষ ভাৱে চৰ্চালৈ আহে বেদান্ত ৰাঘবৈয়াৰ পৰিচালনাৰে নিৰ্মিত তামিল, তেলেগু ভাষাত নিৰ্মিত "দেৱদাসু" (১৯৫৪) আৰু বিমল ৰায়ৰ পৰিচালনাৰে নিৰ্মিত হিন্দী "দেৱদাস" (১৯৫৫)। আৰু চৰ্চালৈ আহিছিল তৃতীয় খন হিন্দী "দেৱদাস", সঞ্জয় লীলা ভাঞ্চালীৰ পৰিচালনাৰে নিৰ্মাণ কৰা ৫০ কোটি টকা বাজেটৰ "দেৱদাস" (জুলাই ১২,২০০২ -ত চিত্ৰগৃহলৈ অহা,
১৮৩ মিনিট দৈর্ঘ্যৰ, ৫০ কোটি টাকা আয় কৰা) --এই যে চৰ্চালৈ আহিছিল, ইয়াৰ ভিতৰত দুখন দৰ্শকৰ মনত সেউজ হৈ থাকিল। বিমল ৰায় আৰু বেদান্ত ৰাঘবৈয়াৰ "দেৱদাস" দুখন।
সৰ্বকালৰ দেৱদাস হৈ থাকিল বিমল ৰায়ৰ দিলীপ কুমাৰ। অৱশ্যে দক্ষিণ ভাৰতত আজিৰ তাৰিখতো সেউজ হৈ আছে বেদান্ত ৰাঘবৈয়াৰ "দেৱদাসু"ৰ নাম ভূমিকাত অভিনয় কৰা আক্কিনেনি নাগেশ্বৰা ৰাও। --এই দুগৰাকী "দেবদাস মুখোপাধ্যায়"ক নিস্প্ৰভ কৰিব নোৱাৰিলে ভাঞ্চালীৰ "দেবদাস মুখোপাধ্যায়" শ্বাহৰুখ খানে। (আৰু আছে)
কোন মন্তব্য নেই:
একটি মন্তব্য পোস্ট করুন