পৰিচালক-লেখক: জাহ্নু বৰুৱা
প্ৰযোজক: শৈলধৰ বৰুৱা
চিত্ৰগ্ৰহণকাৰী: অনুপ জোটৱানী
সম্পাদনা: হিউৱেন বৰুৱা, ৰঞ্জিত দাস
সংগীত পৰিচালক: সত্য বৰুৱা
অভিনয়ত: মলয়া গোস্বামী, বিষ্ণু খাৰঘৰীয়া, লক্ষ্যধৰ চৌধুৰী, হেমেন চৌধুৰী, ইনু বৰুৱা,বাদল দাস,চেতনা দাস...
জাহ্নু বৰুৱাৰ এখন সুপৰিচালনা-- 'ফিৰিঙতি"। চিনেমাখনৰ 'কাহিনী' ভাগৰ 'সময়' ১৯৬২। চীন ভাৰতৰ যুদ্ধৰ সময়। চিনেমাখনৰ মূল চৰিত্ৰটো নাৰী। নাম- ঋতু। বিধৱা। স্বামীৰ মৃত্যুৰ পাছত ঋতুৱে সিদ্ধান্ত লয় শিক্ষকৰ চাকৰি কৰিব। নিযুক্তি পায় কৰঙা নামৰ এখন সৰু গাঁৱত। গাঁওখনলৈ গৈ জানিব পাৰে, যিখন বিদ্যালয়ত নিযুক্তি পাইছে সেইখন যোৱা ১১ বছৰে নাই। সেইখানেই নহয়, কোনো বিদ্যালয়ে নাই। ঋতুবে জানিব পাৰিলে বিদ্যালয়খন জুইত জাহ গৈছে। শিক্ষকজনে পেঞ্চন পাইছে। গাঁওখনৰ গাঁওবুঢ়াৰ তাগিদাত ঋতুরে বিদ্যালয়লখন আকৌ আৰম্ভ কৰাৰ কথা চিন্তা কৰে। তাই অনুভৱ কৰে কামাটে। সহজ নহয়, তাইৰ বাবে ডাঙৰ প্রত্যাহবান। গাঁৱৰ মানুহখিনিয়ে প্রথমে শংকা কৰিছিল যদিও পাছত সহায় কৰে। বিদ্যালয় আৰম্ভ হয়। তেনেতে যুদ্ধৰ বাবে চাকৰি হেৰুওৱা মানুহ এজনে বিদ্যালয়খন নিজৰ হাতলৈ নিয়াৰ চিন্তা কৰে। ষড়যন্ত্র ৰচনা কৰে। কাৰণ অৱশ্যে অন্য। চিনেমাখনৰ আন এটা চৰিত্ৰ ডালিমী। শিক্ষা লৈ ডালিমীয়ে 'উৰা'ৰ সপোন দেখে। ঋতুৰ পৰা শিক্ষা লয়। ঋতুক সহায় কৰে। ডালিমীৰ বিয়া হোৱাৰ মন নাই, চাকৰি এৰি গাঁওলৈ অহা সেই মানুহজনে ডালিমীক বিয়া কৰাব খোজে। ডালিমীৰ পক্ষত থিয় দিয়ে ঋতুরে। সেই খঙতে মানুহজনে এদিন বিদ্যালয়খন জ্বলাই দিয়ে। এইবাৰ আগবাঢ়ি আহে গাঁওবাসী--কোনো জুইকে জ্ঞানৰ ফিৰিঙতিক আকৌ নির্বাপন কৰিব দিয়া নহ'ব বুলি বিদ্যালয়খন সাজিবলৈ। --চিনেমাখনৰ মন চুই যোৱা দিশটো পিছে এই কাহিনীভাগ নহয়। পৰিচালনা, সত্য বৰুৱাৰ সংগীত আৰু অভিনয়হে চিনেমাখনৰ ইতিবাচক দিশ। বিশেষকৈ মলয়া গোস্বামীৰ অভিনয়, ঋতুৰ চৰিত্ৰটোত কৰা অভিনয়। সন্দেহ নৰখাকৈ ক'ব পাৰি চৰিত্ৰটো আছিল সুন্দৰ, সুপরিকল্পিত। মন টুই যোৱা আন এটা চৰিত্র 'পইছা খোৱা'। চৰিত্ৰটোত অতি সুন্দৰ অভিনয় কৰিছে বিষ্ণু আবঘৰীয়াই। এই অভিনয়ৰ লগতে চিনেমাখনৰ মন চুই যোৱা দিশটো হ'ল পৰিবেশ নিৰ্মাণ। বাস্তৱিক লোকেশ্বনত চিত্রগ্রহণ কৰিছে। প্ৰতিটো চৰিত্ৰয়ে বাস্তৱৰ ওচৰৰ। গাঁও খনৰ সহজ-সৰল মানুহ খিনিয়ে নুবুজে, নাজানে-- নাগাচাকি-হিৰোচিমা, এটমবোম ইত্যাদি। বুজে যুদ্ধ, যুদ্ধ মানেই ধ্বংস। যেতিয়া "এটমবৈম" বুজে গছৰ তলত তাছপাত খেলি সময় পাৰ কৰা বৃদ্ধ এজনে (অভিনয়ত: লক্ষ্যধৰ চৌধুৰী) কয়-- "সিহত বুৰ্বক নেকি! পৃথিৱী ধ্বংস হ'লে যে সিহঁতো ধ্বংস হ'ব!" মন চুই যোৱা সংলাপ। চিনেমা খনে দিয়া "সংবাদ"।
মন্তব্যসমূহ
একটি মন্তব্য পোস্ট করুন