শৈশৱত পিতৃৰ অপমান আৰু হত্যাৰ সাক্ষী হোৱা বিজয় সমাজৰ অন্যায়ৰ বিৰুদ্ধে যুঁজিবলৈ ওলাই যায়। কিন্তু ন্যায় প্ৰতিষ্ঠাৰ পথত এদিন নিজেও অপৰাধ আৰু হিংসাৰ জগতত সোমাই পৰে। ফলত চৰিত্ৰটো কেৱল নায়ক হৈ নাথাকে; নৈতিক দ্বন্দ্বত জৰ্জৰিত এক ট্ৰেজিক ব্যক্তিত্বলৈ ৰূপান্তৰিত হয়।
অমিতাভ বচ্চনৰ গম্ভীৰ কণ্ঠ, সংযত দেহভংগী আৰু অন্তৰ্নিহিত ক্ষোভে বিজয়ক "বিশেষ চৰিত্ৰ" -লৈ ৰূপান্তৰ কৰিছে।
ক'ব পাৰি-- বিজয় দীননাথ চৌহান (অমিতাভ বচ্চনৰ) "এংগ্ৰী য়ং মেন" যুগৰ এক পৰিণত ৰূপ—য'ত বিদ্ৰোহৰ লগত নৈতিক জটিলতা সংযোজিত হৈছে। কেৱল এজন প্ৰতিশোধ পৰায়ণ নায়কৰ বৃত্তত নাথাকি, অন্যায়ৰ বিৰুদ্ধে সংগ্ৰাম কৰিছে।
অমিতাভ বচ্চনে অভিনয় শক্তিৰে দৰ্শকক চুবলৈ সক্ষম হোৱা, "চৰিত্ৰ"ৰ সংখ্যা কম নহয়। "ব্ল্যাক", "পা", "পিকু" -ত কৰা অভিনয়ৰ বাবেও শ্ৰেষ্ঠ অভিনেতাৰ শিতানত ৰাষ্ট্ৰীয় চলচ্চিত্ৰ বঁটা লাভ কৰিছে। কিন্তু বিশেষ স্থান দখল কৰিছে "অগ্নিপথ" -ৰ চৰিত্ৰটোৰে।
"শ্ৰেষ্ঠ চৰিত্ৰ" -ৰ প্ৰসংগত কোৱা হয়-- কাহিনীক অৰ্থ দিয়ে, বিষয়বস্তুক গভীৰতা দিয়ে আৰু দৰ্শকৰ চেতনাত স্থায়ী ছাপ এৰি যায়। সন্দেহ নাই-- বিজয় দীননাথ চৌহান "শ্ৰেষ্ঠ চৰিত্ৰ"।
"জাঞ্জীৰ" -এ বলিউডত সফলতাৰ বাট দেখুৱাইছিল অমিতাভ বচ্চনক। চিনেমা খনে "নায়ক" গৰাকীক "এংগ্ৰী ইয়ং মেন" ইমেজ দিছিল। চিনেমা খনৰ বাবে অমিতাভৰ চৰিত্ৰটো লিখিছিল চেলিম-জাভেদ (চেলিম খান আৰু জাভেদ আখতাৰ) -এ। চৰিত্ৰটোৰ নাম ৰাখিছিল-- ইন্সপেক্টৰ বিজয় খান্না। চৰিত্ৰটোৰ "এংগ্ৰী ইয়ং মেন" ইমেজ আছিল চেলিম খানেৰ কল্পনা। নামটো ৰাখিছিল জাভেদ আখতাৰে। (এই তথ্য পাইছিলোঁ "ফিল্মচিটি" নামৰ সাপ্তাহিক কাকত এখনত।) চৰ্চা মতে, "বিজয়" শব্দৰ অৰ্থ হৈছে-- যিজনে জয়লাভ কৰে। চেলিম-জাভেদে এনে এটা চৰিত্ৰ সৃষ্টি কৰিব বিচাৰিছিল যিয়ে সমাজৰ অন্যায় আৰু দুৰ্নীতিৰ বিৰুদ্ধে যুঁজি শেষত বিজয়ী হব! বাছনিত উঠিছিল-- আন দুটা নামৰ সৈতে-- বিজয়। শেষত বিজয় নামটো পছন্দ কৰিছিল।
পৰৱৰ্তী সময়ত চেলিম-জাভেদে লিখা "দীৱাৰ", "ডন", "ত্ৰিশূল", "কালা পাথৰ", "শক্তি" -তো "বিজয়" চৰিত্ৰত অমিতাভ বচ্চনে অভিনয় কৰিছিল।
এই একে নামৰ চৰিত্ৰ অমিতাভ বচ্চনৰ বাবে লিখিছিল-- সন্তোষ সৰোজ-কাদেৰ খানে
"অগ্নিপথ"-ত, ইন্দৰ ৰাজ আনন্দে লিখিছিল "শাহেনশ্বাহ" -ত, নাগৰৰাজ মঞ্জুলে লিখিছিল "ঝুণ্ড"-ত।...
লিখি আছোঁ
মন্তব্যসমূহ
একটি মন্তব্য পোস্ট করুন