৮ ছেপ্টেম্বৰ ২০২৪। কলকাতা।
কলকাতা অসমীয়া সাংস্কৃতিক সংস্থাই প্ৰায় এটা দশকৰো অধিককাল ড: ভূপেন হাজৰিকাদেৱৰ জন্মদিন কলকাতাত উদযাপন কৰি আহিছে।
--এই বছৰো ব্যতিক্ৰম নহয়।
--এই বাৰো আয়োজন কৰিছিল-- "ভূপেন্দ্ৰজয়ন্তী"।
--এইবাৰ এই অনুষ্ঠান আছিল মোৰ বাবে বিশেষ। এই সুৰ-কথাৰ অনুষ্ঠানত উন্মোচনৰ সুযোগ দিয়া হৈছিল আমাৰ (সম্পাদিত) "ভূপেন হাজৰিকা প্ৰকল্প"ৰ চতুৰ্থ খন গ্ৰন্থ "Bhupen Hazarika: volume iv" (এই সংখ্যাৰ অতিথি সম্পাদক: মুকুল ৰাভা, ড: বনজিৎ ভট্ট। সম্পাদক: উৎপল মেনা)।
১ ডিচেম্বৰ ২০১৯। কলকাতা। এই দিনটোতে "চামেলি মেমচা'ব" খ্যাত জৰ্জ বেকাৰ আৰু বিনীতা বৰগোহাঁয়ে উন্মোচন কৰিছিল আমাৰ "ভূপেন হাজৰিকা" প্ৰকল্পৰ প্ৰথম খন গ্ৰন্থ (সম্পাদিত) "Bhupen Hazarika: Volume I", স্বনামধন্য ভাৰতীয় সৰোদবাদক তথা শাস্ত্রীয় সঙ্গীতজ্ঞ আমজাদ আলী খানে ১৫ চেপ্টেম্বৰ ২০২২ ত নতুন দিল্লীত উন্মোচন কৰিছিল "Bhupen Hazarika: Volume II" আৰু ৮ চেপ্টেম্বৰ ২০২৩-ত অৰুণাচলৰ প্ৰদেশৰ ইষ্ট চিয়াং জিলাৰ পাছিঘাটত উন্মোচন কৰিছিল এই প্ৰকল্পৰ তৃতীয় খন গ্ৰন্থ। আৰু যোৱা ৮ চেপ্টেম্বৰত আকৌ কলকাতাত উন্মোচন কৰিলে প্ৰকল্পৰ চতুৰ্থ খন গ্ৰন্থ-- "Bhupen Hazarika: Volume-IV", উন্মোচক: St.Paul's Cathedral Mission College'ৰ বেঙ্গলী বিভাগৰ জ্যেষ্ঠ অধ্যাপক,বহু গৱেষণামূলক গ্ৰন্থ ভূপেন হাজৰিকা বিশ্ব সংস্কৃতিৰ কন্ঠস্বৰ'ৰ প্ৰণেতা,গৱেষক ড০ শেখ মকবুল ইছলাম। (ড° ইছলাম প্ৰসংগত আগলৈ চৰ্চা কৰিম।)
--সেইদিনা বিয়লি ৪-৩০ বজাত এগছি বন্তি প্ৰজ্জলন আৰু সুধাকণ্ঠৰ প্ৰতিছবিত পুস্পাঞ্জলিৰে সমূহীয়া ভাবে গভীৰ শ্ৰদ্ধাঞ্জলি জনোৱা হয়। তাৰ পাছতে সম্পাদক ইন্দুকল্প শইকীয়াই সভাৰ আঁত ধৰি সাংস্কৃতিক কাৰ্যসূচী ৰূপায়ণত আগ বাঢ়ে। কিছুদিন আগতে সংঘটিত হৈ যোৱা এক মৰ্মান্তিক হত্যাকাণ্ডত মৃত্যু বৰণ কৰা চিকিৎসকৰ প্ৰতি শ্ৰদ্ধা জনাই এক মিনিট সময় মৌনতা অৱলম্বন কৰি
--কলকাতা অসমীয়া সাংস্কৃতিক সংস্থাই প্ৰতিবছৰেই ড: ভূপেন হাজৰিকাৰ বিশাল সৃষ্টিৰ কোনো এক নিৰ্দিষ্ট বিষয় বস্তুক বাচনি কৰি এই জন্মদিৱস উদযাপন কৰে। এইবছৰৰ বিষয় আছিল 'সাহিত্য'।
নিৰ্দিষ্ট বিষয়ত ভাষণ দিছিল ধেমাজি কলেজৰ অৱসৰ প্রাপ্ত উপাধ্যক্ষ, বিশিষ্ট লেখক ড: বনজিৎ ভট্টই। "ড: ভূপেন হাজৰিকাৰ গীতত আধুনিক অসমীয়া সাহিত্যৰ উন্মেষণ" বিষয়ত ড° ভট্টই দিয়া "সুৰ-কথা"ৰ ভাষণ আছিল অনুষ্ঠানটোৰ বিশেষ "কথা-সুৰ সৌন্দৰ্য"।
--এই অনুষ্ঠানৰে আন এক "কথা-সুৰ সৌন্দৰ্য" আছিল "গল্পকথা"। অতনু আৰু মিতালীৰ কণ্ঠত সুৰ-গদ্যৰ যুগলবন্দী। ৩টা গল্গ পাঠ কৰিছিল-- ড° ভূপেন হাজৰিকা, সৌৰভ চলীহা, লক্ষ্মীনাথ বেজবৰুৱাৰ গল্প। সৌৰভ চলীহাৰ গল্প-ভূপেন হাজৰিকাৰ গীত যুগলবন্দী আছিল অনন্য। বেজবৰুৱাৰ গল্প-ভূপেন হাজৰিকাই জনপ্ৰিয় কৰা পাৰ্বতি প্ৰসাদ বৰুৱাৰ গীতৰ যুগলবন্দীও আছিল মন চুই যোৱা, মনত ৰৈ যোৱা।
--অতনু ভট্টাচাৰ্যৰ মনলৈ কিয় আহিছিল এই "গল্প কোৱা" কথা। চনটো কৈছিল, মনত ৰাখিব নোৱাৰিলো। বক্ত হৈ কবি অতনু ভট্টাচাৰ্য গৈছিল এখন সভালৈ। --তৃতীয় নে চতুৰ্থ বক্তা।
--উপস্থিত ৰাইজৰ ভাষণ শুনাৰ ধৈৰ্য নাই।
--এজন-দুজনকৈ উঠিব লৈছে।
--"বক্তা অতনু ভট্টাচাৰ্য"ই গতানুগতিক বক্তিতাৰ সলনি "গল্পৰ দৰে বক্তিতা" আৰম্ভ কৰিলে। গল্প কোৱাৰ দৰে কিছু কথা ক'লে। শুনিলে, আগ্ৰহেৰে, সভা এৰি যোৱা একাংশও উভতি আহিল। ক'ব পাৰি এই সভা খনতে অতনু ভট্টাচাৰ্যৰ মনত পোখা মেলিলে 'গল্পকথা"ই।
২০১৪। "গল্পকথা"ৰ নতুন ৰূপ। অতনু ভট্টাচাৰ্যৰ সৈতে মিতালী দে। আমি শুনিলোঁ নতুন ৰূপৰ ৯৩ সংখ্যক "গল্পকথা"। অতনু ভট্টাচাৰ্যৰ কথনশৈলী-মিতালীৰ গায়কী আৰু কথাৰে, চেহেৰাৰ ভাষাৰে গল্পৰ গতিত কৰা সহযোগ যে "গল্পকথা"ৰ অলংকাৰ নুই কৰিব নোৱাৰি।
--"গল্পকথা"ৰ প্ৰসংগত আৰু আমি এনেদৰে কব বিছাৰিম, "ছপা মাধ্যম"ৰ গল্প, উপন্যাস আদি আৰু পঢ়ুৱৈৰ মাজত দূৰত্ব বাঢ়িছে। আজিৰ তাৰিখত দূৰত্ব কমাব পাৰে "গল্পকথা"ৰ দৰে চিন্তাই। অতনু ভট্টাচাৰ্যৰ দৰে জনপ্ৰিয় লেখকৰ "গল্পকথা"ই। (আৰু আছে। অসস্পাদিত। বানান ইত্যাদি সম্পাদনা কৰা হ'ব।)
