"বীৰঙ্গনা সাধনী" --এখন নতুন অসমীয়া চিনেমা। "দৈনিক অসম"ত লিখিছিলোঁ, যোৱা বছৰৰ শেষৰ ভাগত। যোৱা কেইবা মাহো চিত্ৰনাট্য ইত্যাদিৰ কামত চিনেমা খনৰ লেখক-পৰিচালক বিশ্বজিৎ বৰা ব্যস্ত থকাৰ খবৰ পাই আছিলোঁ। যোৱা ২০ ফেব্ৰুৱাৰীত প্ৰযোজক পক্ষৰ ফালৰ পৰা আমাক জনোৱা হ'ল-- ২৪ ফেব্ৰুৱাৰী তাৰিখে মূল চৰিত্ৰৰ অভিনেতা-অভিনেত্ৰীৰ বাচনি পৰ্ব আৰম্ভ হ'ব, জ্যোতি চিত্ৰবনত।
-------
>> বিচাৰকৰ আসনত আমাৰ সৈতে পৰিচাল বিশ্বজিৎ বৰা, সাংবাদিক অৰুণ লোচন দাস, অভিনেতা অৰুণ হাজৰিকা >>
"বাচনি পৰ্ব"ত আমিয়ো "বিচাৰক"ৰ আসনত বহিব লাগে। যথা সময়ত বহিলোঁ। অসমৰ বিভিন্ন প্ৰান্তৰ পৰা অহা "প্ৰতিভা"ৰ অভিনয় ক্ষমতা অনুভৱ কৰিলোঁ। বিশেষ চৰিত্ৰ দুটাৰ বাবে অৱশ্যে (মোৰ অনুভৱত) "প্ৰতিভা" অনুভৱ নকৰিলোঁ। এই কথা ঠিক, বাচনি পৰ্বত অংশ লোৱা কেইবা গৰাকীও "প্ৰতিভা"ক লৈ পৰিচালকে চিনেমা খনৰ আন কেইবাটাও চৰিত্ৰ নিৰ্মাণ কৰিব পাৰিব!
"বাচনি পৰ্ব" স্থলিত লগ পালো যতীন বৰাক।
(দক্ষ অভিনেতা গৰাকীয়ে হাতত লোৱা "ৰাঘৱ"ৰ দৃশ্য গ্ৰহণৰ কাম প্ৰায় শেষ হৈছে। এটা গীতৰ চিত্ৰায়ণ হোৱাৰ পাছত চিত্ৰগ্ৰহণ সম্পূৰ্ণ হ'ব। চিনেমা খন চিত্ৰগৃহলৈ আহিব এই বছৰৰ শাৰদীয় বতৰত। "ৰাঘৱ" যতীন বৰাৰ তৃতীয় পৰিচালনা।)
পূৰ্বেই পৰিচালক বিশ্বজিত বৰাই কৈছিল--, যতীন বৰা আৰু তপন দাসক লৈ দুটা বিশেষ চৰিত্ৰ নিৰ্মাণ কৰিব। "most powerful Cinematic characters" দুটা নিৰ্মাণৰ বাবে পৰিচালকে ব্লু-প্ৰিণ সাজু কৰিছে। "এনে দুটা চৰিত্ৰ নিৰ্মাণ কৰিম, যি দুটা চৰিত্ৰৰ মাজত দৰ্শকে আজিলৈকে দেখি অহা অভিনেতা দুগৰাকীক বিছাৰি নাপাব।" --বিশ্বজিতৰ কথাত দৃঢ়তা।
--------------------------
>>বিচাৰকৰ আসনত পৰিচালক চন্দ্ৰ মুদৈ, সাংবাদিক শিৱাণু বৰা, লেখক-চিনেমা নিৰ্মাতা নুৰুল চুলতান, অভিনেত্ৰী চন্দনা শৰ্মা >>
