কিয় সফল হৈছিল "ৰত্নাকৰ", কিয় সফল "শ্ৰী ৰঘুপতি" /১

"Eye-catching colors, larger-than-life typography, and exciting graphics help to conjure up a cinematic experience in static form, while images of well-known movie stars help to connect with fans." --এই প্ৰসংগ আগলৈ।

-----------------------------------------------------------

চিনেমাৰ প্ৰচাৰ পৰিকল্পনা (Publicity Design) -ৰ শিক্ষা film journalism -ৰে এটা ভাগ। মুম্বাইৰ পৰা উভতি আহি ঠিক কৰিছিলোঁ-- অসমীয়া চিনেমাৰ প্ৰচাৰ পৰিকল্পনাৰ কামো কৰিম সাংবাদ কৰ্মৰ লগতে! ২০০২ চনৰ শেষৰ ফালে দৈনিক কাকত "আজি"ত যোগ দিলোঁ। আৰু সেই সময়তে কেইবা গৰাকীও চিনেমা নিৰ্মাতাৰ ওচৰলৈ গৈছিলো-- প্ৰচাৰ পৰিকল্পনাৰ কাম বিছাৰি। 

বহু চেষ্টাৰ পাছত এটা কাম পাইছিলোঁ। নিৰ্মাতা গৰাকীয়ে নিৰ্দিষ্ট তাৰিখ এটাত মাতি মোৰ হাতত বন্ধ খাম এটা তুলি দিছিল। কৈছেল-- "পেকেজৰ প্ৰথম অংশ!" মই লৈ যোৱা প্ৰচাৰ পৰিকল্পনাৰ ব্লু-প্ৰিণ্ট খন দেখুৱাব খোজাত নিৰ্মাতা গৰাকীয়ে কোৱা "কথা"ৰ পৰা বুজিছিলো-- প্ৰচাৰ পৰিকল্পনাৰ কোনো প্ৰয়োজন নাই! "পেকেজৰ প্ৰথম অংশ!" বুলি দিয়া বন্ধ খামত চিনেমা খনৰ "খবৰ" আৰু টকা এহেজাৰ আছে। "আজি"ৰ নিৰ্দিষ্ট পৃষ্ঠাটোত ছপালে হ'ল।

"পেকেজৰ প্ৰথম অংশ" নিৰ্মাতা গৰাকীক উভতাই দি মই ওভতিছিলো।

 তেতিয়াৰ পৰা বুজিছিলোঁ-- "প্ৰচাৰ পৰিকল্পনা" প্ৰতি আগ্ৰহ নাই অসমীয়া চিনেমাৰ নিৰ্মাতাৰ! শ্বুটিং ৰিপ'ৰ্ট, গতানুগতিক খবৰ, সাক্ষাৎকাৰ আদিৰে চলি থাকিল অসমীয়া চিনেমাৰ প্ৰচাৰ। এই যে শ্বুটিং ৰিপ'ৰ্ট ইত্যাদিৰে "প্ৰচাৰ", কোনো "প্ৰচাৰ পৰিকল্পনা" অংশ নাছিল। নিৰ্দিষ্ট কাকত-আলোচনীৰ সাংবাদিকৰহে "চিন্তা" বা "চখ" আছিল।

 আমাৰ ধাৰণাত অসমীয়া চিনেমাৰ "প্ৰচাৰ পৰিকল্পনা"ৰ গুৰুত্ব বাঢ়িল সামাজিক মাধ্যমৰ গুৰুত্ব বঢ়াৰ পাছত। আৰম্ভ হয়-- জুবিন গাৰ্গৰ "মিছন চাইনা"ৰে। 

 জুবিনৰ চিনেমা, "জুবিন ইমেজ"ৰ চিনেমা!

 --প্ৰচাৰ পৰিকল্পনা আছিল আছিল জুবিন কেন্দ্ৰীক। "জুবিন ইমেজ"ৰ বুনিয়াদত ঠিয় হৈ জুবিনে কৰা প্ৰচাৰ পৰিশ্ৰমৰ বাবে এটা ঢৌৰ সৃষ্টি হৈছিল, চিনেমা প্ৰেমীৰ মুখে মুখে বাগৰিছিল-- "দৌৰি দৌৰি যাম,মিচন চাইনা চাম"। (সেই সময়ত বিভিন্ন "কাৰণ"ত চৰ্চাৰ মাজত জুবিন সোমাই পৰিছিল যে! --সেয়াও প্ৰচাৰৰে অংশ আছিল নেকি?) 

চিত্ৰগৃহলৈ আহিছিল জুবিন গাৰ্গৰ "কাঞ্চনজংঘা"। জুবিন গাৰ্গৰ এই চিনেমা খন চিনেমাৰ পৰিচালনাত বিশেষ প্ৰচাৰত নতুনত্ব নাছিল। একে ধৰণে, পূৰ্বৰ খনৰ দৰে প্ৰচাৰ চলাই গৈছিল! "জুবিনৰ চিনেমাৰ ঢৌ" কিছু কমিছিল।

অসমীয়া চিনেমাৰ বজাৰৰ সীমা "মিছন চাইনা"তে শেষ নেকি? --এনে ধৰণৰ চৰ্চা হোৱাৰ সময়তে চিত্ৰগৃহলৈ আহিছিল "ৰত্নাকৰ"। যতীন বৰাৰ পৰিচালনা। এই চিনেমা খনেই দিছিল চৰ্চাৰ উত্তৰ, অসমীয়া চিনেমাৰ বজাৰ "মিছন চাইনা"তে শেষ নহয়। 

"ৰত্নাকৰ"ৰ  box office collection (total) collection  ৯,৪৮,১৬,২৬০ টকা। ("ৰত্নাকৰ" চৰ্চা পাছলৈ ৰাখিলো।) 

আৰু শেহতীয়া চৰ্চা: "শ্ৰী ৰঘুপতি"ৰ box office collection (total) ১০ কোটি টকাতকৈ বেছি, মাত্ৰ ২১ দিনত। 

--চিনেমা খনৰ এই সফলতাৰ কাৰণ? 

সু-পৰিকল্পিত প্ৰচাৰ। 

আমাৰ ধাৰণাত "আমি প্ৰচাৰ কৰা নাই" বুলিয়ো সুন্দৰ প্ৰচাৰ কৰিলে চিনেমা খনৰ নায়ক ৰবি শৰ্মাই। 

চিনেমাত সু-পৰিকল্পিত "ৰাজনৈতিক প্ৰচাৰ" প্ৰথম বাৰলৈ অনুভৱ কৰিলোঁ। 

           প্ৰচাৰৰ প্ৰথম বিন্দু -- "কা আন্দোলন"।

           দ্বিতীয় বিন্দু-- মুখ্যমন্ত্ৰী, সীমান্ত শেখৰ ...।

           তৃতীয় বিন্দু-- কংগ্ৰেছ নেতা।

           চতুৰ্থ বিন্দু-- অখিল গগৈ।

           --এই বিন্দু কেইটা কেনেদৰে "প্ৰচাৰ ৰেখা"লৈ ৰূপান্তৰ হৈছে চৰ্চা কৰিম। আগলৈ। (ক্ৰমশ:)

   

দ্য শ্লেমবুক : এটা প্ৰেমৰ গল্প

"দ্য শ্লেমবুক" --প্ৰাঞ্জল গৈয়াৰীৰ পৰিচালনা। কাহিনী-পৰিচালকৰ। চিত্ৰনাট্য-সংলাপ বিষ্ণুজ্যোতি সন্দিকৈৰ। 

প্ৰথম কথা-- চিনেমা খনৰ প্ৰযোজকৰ বজাৰ চিন্তা নিশ্চয় কলেজৰ ছাত্ৰ-ছাত্ৰী। গতিকে কব পাৰি বিনোদনৰ বাবে চিনেমা চোৱা কলেজৰ ছাত্ৰ-ছাত্ৰীয়ে "দ্য শ্লেমবুক" পছন্দ কৰিব পাৰে। এটা প্ৰেমৰ গল্প আছে। কলেজীয়া দুষ্টামি আছে, কেমেৰাৰ বিশাল ফ্ৰেমত ধৰি ৰখা সংগীত আছে।

কাহিনী আগবাঢ়ে। কাহিনী কলেজ চৌহদৰ বাহিৰলৈ যায়। কাহিনীৰ নায়কৰ পিতৃৰ কৰ্মস্থান সলনি হয়। আকৌ লগ পোৱাৰ প্ৰতিশ্ৰুতিৰে নায়িকাৰ পৰা নায়ক আঁতৰি আহে। 

নায়িকাৰ জীৱনলৈ সমস্যা আহে। নায়িকাৰ সন্ধানত নায়ক হাহাকাৰৰ মাজত সোমাই পৰে। 

আৰু আন দহখন  college love story -ৰ দৰে শেষ হয় চিনেমা খনৰ কাহিনী। 

--কাহিনীৰ প্ৰসংগত আমি এনেদৰে ক'ব পাৰোঁ, নিৰ্দিষ্ট দৰ্শকক চুব পৰা বা আশৰ্ষণ কৰিব পৰা "মৰম লগা গল্প"। আমাৰ ধাৰণাত-- "মৰম লগা গল্প"টোৰ সৌন্দৰ্য কিছু পৰিমাণে হৃাস হৈছে চিত্ৰনাট্য  পৰ্যায়লৈ আহোতে। আৰু কিছু হৃাস হ'ল পৰিচালকৰ হাতত।

আমাৰ ধাৰণাত-- চিত্ৰনাট্যকাৰ পৰিচালকক গল্প কোৱাৰ এটা সুন্দৰ বাট কাটি দিছিল। কেমেৰাৰ ভাষা প্ৰয়োগৰ ধেৰ সুযোগ দিছিল। ফ্লেছবেক প্ৰয়োগৰ ব্লু-প্ৰিণ্ট আছিল পৰিপাটি। কিন্তু পৰিচালকে চিত্ৰনাট্যকাৰে দিয়া সুন্দৰ সুযোগৰ সৎ ব্যৱহাৰ কৰি "চিনে সৌন্দৰ্য" নিৰ্মাণ কৰিব নোৱাৰিলে। --এয়া পৰিচালকৰ প্ৰথম ব্যৰ্থতা।

পৰিচালকৰ দ্বিতীয় ব্যৰ্থতা-- মন্থৰ "চিনে গতিসূত্ৰ" প্ৰয়োগ। ৰৈখিক গতিৰ সললি, বহু সময়ত বৃত্তৰ মাজত সোমাই পৰিছে "কাহিনীৰ গতি"। এই দুৰ্বল দিশটো কেমেৰাৰ ভাষা প্ৰয়োগত সাৱধান হ'লে; আৰু পম্পাদনাৰ টেবুলত কিছু পৰিশ্ৰম কৰিলে হয়তো ঢাক খালে হেতেন! (--হয়, চিনেমা খনৰ আন এটা দুৰ্বল দিশ মম্পাদনা।)

তৃতীয় ব্যৰ্থতা--"কেমেৰা ডিজাইন" ভিডিঅ' চিনেমাৰ পৰ্যয়তে থাকিল। কেইবাটাও বিশাল শ্বট উকা উকা যেন অনুভৱ হ'ল। শ্বটৰ চমক নথকা নহয়; কিন্তু মন চুই যোৱা শ্বট কেইটা, আৰু কেইবাটাও চিকুৱেন্স ৰূপালী গল্পটোৰ সৌন্দৰ্যলৈ ৰূপান্তৰ নহ'ল, অলংকাৰ হৈ থাকিল।

চিনেমা খনৰ দৈৰ্ঘৰ ৭০-৭৫% ভাগতে আমাৰ অনুভৱ-- পৰিচালকৰ পৰিশ্ৰমৰ প্ৰয়োজন আছিল! (যদি "পৰিশ্ৰম"ৰ বাট ইমানতে শেষ-- সেয়া চৰ্চাৰ বাট মুকলি থকা অন্য বিষয়।)

(আৰু আছে)

assamese cinema by: utpalmena

Wide angle: এখন নতুন অসমীয়া চিনেমা--উৎপল মেনা

জয়ন্ত নাথ-- সংগীতৰ মানুহ। কণ্ঠশিল্পী,  সংগীত পৰিচালক, গীতিকাৰ। ধ্ৰুৱতৰা ,অগ্নিগড়,প্ৰতিদান, বৰদৈচিলা, যখিনী, ৰিস্কাৱালা, উৰ্বশী আদি চিনেমাৰ বাবে গীত গাইছে। ৰিস্কাৱালা, হৃদয় কঁপোৱা গান আদি চিনেমাৰ সংগীত পৰিচালনা কৰিছে। --এয়া প্ৰথম পৰিচয়।

শ্ৰব্যৰ পাছত দৃশ্য মাধ্যমৰ কামত ব্যস্ত হয়, ১৯৮৭ চনত চিত্ৰগৃহলৈ অহা অসমীয়া চিনেমা "প্ৰতিদান"ৰ সহ-পৰিচালক হিচাবে। তাৰ পাছত আৰু এঘাৰ খন অসমীয়া চিনেমাত পৰিচালকক পৰিচালনাত সহায় কৰাৰ অভিজ্ঞতাৰে হাতত লয় স্বাধীন পৰিচালনাৰে-- "হৃদয় কঁপোৱা গান" (চিত্ৰগৃহলৈ:

১৬ জানুৱাৰী ২০০৪)। দ্বিতীয় পৰিচালনা-- অসমীয়া, ছাদ্ৰী ভাষাৰ "কৰমা কে ৰাতি" ( চিত্ৰগৃহলৈ:১২ জুলাই ২০১৩)। আৰু দীৰ্ঘদিন পাছত পৰিচালক গৰাকীয়ে হাতত লৈছে তৃতীয় খন চিনেমা-- "ৱাইড এংগোল" (Wide angle)। 

wide-angle lens ৰে পৰিচালকে চিনেমা খনৰ কাহিনীটো চাব বিচাৰিছে নেকি? 

--নে প্ৰতীকী অৰ্থত ব্যৱহাৰ কৰিছে?

--চিনেমা খন চিত্ৰগৃহলৈ আহিলে স্পষ্ট হ'ৰ!

পৰিচালকে আশা কৰিছে চিনেমা খনৰ কাম সম্পূৰ্ণ হ'ব এই বৰ্ষৰ ডিচেম্বৰৰ ভিতৰত। গতিকে আশা কৰিব পাৰো, ২০২৪ বৰ্ষৰ প্ৰথম ভাগত চিনেমা খন চিত্ৰগৃহলৈ আহিব।

"স্বাৱলম্বন মিডিয়া এন্ড এন্টাৰটেইনমেন্টৰ' বেনাৰত (প্ৰযোজক: দেবজ্যোতি বৰা , সহ প্ৰযোজক: অৰিনী গগৈ বৰা) নিৰ্মাণ হোৱা "ৱাইড এংগোল"ৰ চিত্ৰগ্ৰহণৰ কাম ইতিমধ্যে শেষ হৈছে।  নগেন শইকীয়াৰ গল্পৰ আধাৰত চিত্ৰনাট্য লিখিছে পংকজজ্যোতি ভূঞাই। যোৰহাট , গোলাঘাট , নুমলীগড় আদি বিভিন্ন লোকেচনত দৃশ্যগ্ৰহন কৰা চিনেমা খনৰ মুখ্য চৰিত্ৰটোত অভিনয় কৰিছে তপন দাসে। অন্যন্য চৰিত্ৰত: ৰাজীব গোস্বামী , গীতাবলী ৰাজকুমাৰী , দীপাংকৰ ৰয় , অপৰ্না দত্ত চৌধুৰী , জুবিন গাৰ্গ, জলি লস্কৰ , ধ্যানী মহন আদিয়ে।

চিত্ৰগ্ৰহন কৰে সুমন দুৱৰাৰ। 

সংগীত: স্বাভাৱিকতে চিনেমা খনৰ পৰিচালক জয়ন্ত নাথৰ। 

সম্পাদনা: দেবজিত দত্তৰ।

ৰূপসজ্জা: বিশ্ব কলিতাৰ। 

মুখ্য সহকাৰী পৰিচালক: দিপক নাথ।

যাদৱ পায়েং

এখন গ্ৰন্থ। কম পৃষ্ঠাৰ। মাত্ৰ ৩২ পৃষ্ঠা। ইংৰাজী ভাষাত লিখা-- "The Boy who grew a forest: The True Story of Jadav Payeng" (অৰণ্য গঢ়া ল'ৰাজন: যাদৱ পায়েঙৰ সঁচা কাহিনী)। কিশোৰ সকলৰ কথা মনত ৰাখি লিখা গ্ৰন্থ। ছ'ফিয়া গোলজে লিখা এই গ্ৰন্থ খনে দেশ-বিদেশত বিয়পাইছিল যাদৱ পায়েঙৰ সেউজ কৰ্ম। ভালেমান সন্মান-বঁটা প্ৰাপ্ত কিশোৰ গ্ৰন্থখনৰ বিষয়ে লিখিছে-- "In India, there is a boy who loves nature. The boy treasures his precious river-island and the wildlife who share it with him. But each year he witnesses animals displaced from loss of habitat, while his island slowly erodes away. He worries that if animals whither without trees, people will too. With nothing but a handful of bamboo saplings, the boy sets out on a mission to reclaim the land the river has taken.

    The Boy Who Grew A Forest follows the true story of Mishing tribesman, Jadav Payeng, who single-handedly planted over twelve hundred acres of lush forest on a once barren island in northeastern India."

    --এই গৰাকী যাদৱ পায়েং এতিয়া "পৃথিৱী বিখ্যাত"। বিশ্বৰ দৃশ্য-শ্ৰব্য সংবাদ মাধ্যমৰ আগ্ৰহৰ বিষয়। বিখ্যাত discovery channel তো দেখা গৈছে-- "JADAV PAYENG THE FOREST MAN"। 

TIMES NOW ত দেখা গৈছে "Amazing Indians: Jadav Molai Payeng: The eco saviours"। (এয়া দুটা উদাহৰণ  মাত্ৰ) 

যাদৱ পায়েঙৰ প্ৰতি আগ্ৰহ দেশ-বিদেশৰ শিক্ষা প্ৰতিষ্ঠানৰো। 

        ("We've made environmental science          and botany a part of our curriculums. 

        But students across the country are           not being taught enough. And it's not

       the students' problem. It's because our

        teachers themselves do not have

        enough knowledge. We've had

        scientists who have come here and              never seen certain types of plants                outside of textbooks. How can you

         expect their students to know any

 better? Both our students and teachers

 need practical knowledge and getting them to plant trees and look after them

 will help improve their knowledge." Like a parent who's raised a child, a child who's

 raised a tree will not allow it to be cut, he reasons. "They will also protect the animals that seek a tree's shade and the birds that nest in it. Our kids will protect the environment in ways that we've failed." --Nast Traveller India)

      --কাৰণ?

      --যাদৱ পায়েঙে যি শিকিছে, দেখি-বুজি। যাদৱ পায়েঙে "প্ৰকৃতি" কেন্দ্ৰীক যি শিক্ষা দিব পাৰিব, পঢ়ি-শুনি শিক্ষা লোৱা শিক্ষকে দিব নোৱাৰে। গতিকে প্ৰকৃত প্ৰকৃতি শিক্ষাৰ বাবে "প্ৰকৃতি শিক্ষক" গৰাকীৰ প্ৰতি আগ্ৰহ।

২২ এপ্ৰিল ২০১২ চনত ধৰিত্ৰী দিৱসৰ লগত সংগতি ৰাখি জৱাহৰলাল নেহৰু বিশ্ববিদ্যালৰ পৰিবেশ বিজ্ঞান বিভাগে যাদৱ পায়েঙক সন্মান জনাবলৈ এখন জনসভাৰ আয়োজন কৰিছিল। জনসভাৰ কেন্দ্ৰবিন্দু আছিল যাদৱ পায়েং। সেই জনসভাত বিশ্ববিদ্যালয় খনৰ উপাচাৰ্য সুধীৰ কুমাৰ সোপোৰিয়ে পায়েঙক Forest man of India (ভাৰতৰ অৰণ্য মানৱ) আখ্যা দিয়ে।

--হয়, যাদৱ পায়েং "Forest man of India"। অৰণ্যয়ে জীৱন, অৰণ্যয়ে সপোন যি গৰাকী মানুহৰ, সেই গৰাকী "Forest man"ৰ বাহিৰে আন কি হ'ব পাৰে!

১৯৮০ চন। যাদৱ পায়েঙৰ বয়স ১৭ বছৰ। গোলাঘাট জিলাৰ বন বিভাগে ককিলামুখাৰ পৰা ৫ কিলোমিটাৰ দূৰত ঔনামুখ চাপৰিৰ ২০০ হেক্টৰ অঞ্চলত বৃক্ষৰোপণৰ আঁচনি গ্ৰহণ কৰিছিল। সেই আঁচনিৰ এগৰাকী কৰ্মী আছিল-- মুলাই। মুলাই নামেৰে জনজাত যাদল পায়েং। যথা সময়ত কাম শেষ। বিশেষ প্ৰকল্পটোৰ কাম শেষ হোৱাৰ পাছত কৰ্মী সকল ঘৰাঘৰি হ'ল। ৰৈ গ'ল মাথো মুলাই। মুলাই ইচ্ছা, লক্ষ্য-- আৰু গছ পুলি ৰোৱা, ৰোৱা গছপুলিৰ যতন লোৱা।

এটা ঘটনা: ২০০৮ চন। ঔনাচাপৰি নামৰ গাওঁ এখনত হাতী-মানুহৰ সংঘাত। গাঁৱৰ মানুহৰ সম্পত্তি ধ্বংস কৰে এজাক হাতীয়ে। প্ৰায় ১০০টা হাতীৰ জাক। এই বৃহৎ হাতীৰ জাকটো আহিল ক'ৰ পৰা! বন বিভাগৰ সন্ধানত স্পষ্ট হ'ল গাওঁ খনৰ পৰা প্ৰায় ১.৫ কিলোমিটাৰ দূৰৰ থকা এখন "অৰণ্য"ৰ পৰা আহিছে, যি খন "অৰণ্য"ক সেই অঞ্চলৰ লোকে "মুলাই কাঠনিবাৰী" বুলি কয়। (সেই সময়ত অসমৰ বণ বিভাগৰ ভূগোলত "মুলাই কাঠনিবাৰী" নামৰ "অৰণ্য" খন নাছিল।)

--হয়, সেই যে মুলায়ে লক্ষ্য স্থিৰ কৰি লৈছিল, আৰু গছ পুলি ৰোৱাৰ, সেই ইচ্ছাৰে ফচল "মুলাই কাঠনিবাৰী"। 

--বন বিভাগৰ কৰ্মীয়ে জানিব পাৰিলে, সেই অৰণ্য খনলৈ প্ৰতি বছৰে ১০০টা মান হাতীৰ জাক এটা আহে। ছমাহমান মান সময় থাকে। 

আৰু?

কেৱল হাতীয়ে নহয়, সেই "আৰণ্য"লৈ আহে নানা পশু-পখী। আছে  ঢেঁকীয়াপতীয়া বাঘ, এশিঙীয়া গঁড়, এশৰো অধিক হৰিণা, শহাপহু, বান্দৰ আৰু অনেক প্ৰজাতিৰ চৰাই আছে। 

মুলায়ে জনালে বন বিভাগক প্ৰায় ৫৫০ হেক্টৰজুৰি কেৱল বাঁহ গছেই আছে। আৰু আছে-- শিমলু, বাঁহ, শিশু, ডিমৰু, ভেলকৰ, অৰ্জুন, এজাৰ, বগৰী, গমাৰি, সোণাৰু, কৃষ্ণচূড়া, চেগুন আদিকে ধৰি কেইবা হাজাৰো গছ।

সময় আগবাঢ়ে, মুলাইৰ সেউজকৰ্ম বাঢ়ে। আৰু স্বাভাৱিকতে গুৰুত্ব বাঢ়ে মুলাইৰ, যাদৱ পায়েঙৰ।

--সেউজকৰ্ম যাদৱ পায়েঙৰ পেছা নাছিল, নহয়। পেছা-- গো-ম'হ পালন, গাখীৰ বিক্ৰী কৰা। 

"মুলাই অৰণ্য"তে পঁজাঘৰ সাজি সংসাৰ পাতিছে। সংসাৰত পত্নী বিনীতা পায়েং, দুই পুত্ৰ আৰু একমাত্ৰ জীয়ৰি। কিন্তু যাদৱ পায়েঙে কয়-- "আমি চাৰিজনেই নহয়, এই অৰণ্যত থকা চৰাই, হাতী, বাঘ আদিয়ো মোৰ পৰিয়ালৰে।"

মিছিং সম্প্ৰদায়ৰ যাদৱ পায়েংঙৰ জন্ম হৈছিল ১৯৬৩ চনত (সঠিক চন-তাৰিখ তেওঁৰ ভালকৈ মনত নাই যাদৱ পায়েঙৰ।), যোৰহাট জিলাৰ ব্ৰহ্মপুত্ৰৰ মাজৰ বৰঘোগ চাপৰিত। পিতৃ লক্ষীৰাম পায়েং। মাতৃ আফুলি পায়েং। তেৰটা সন্তানৰ ভিতৰত যাদৱ আছিল-- তৃতীয়। আৰ্থিক চেপাৰ মাজতে শৈশৱ পাইছিল। অধ্যয়ণৰ মন এটা আছিল বাবেই হয়তো লোকৰ ঘৰত আশ্ৰয় লৈ, কাম কৰি যোৰহাটৰ বালিগাঁৱৰ জগন্নাথ বৰুৱা আৰ্য বিদ্যাপীঠ বিদ্যালয়ত অধ্যয়ণ পৰ্ব আৰম্ভ কৰিছিল। আগবাঢ়িব নোৱাৰিলে, দশম শ্ৰেণীতে ইতি, আৰ্থিক কাৰণত। "কি কৰিম!" মনত লৈ ঘুৰি ফুৰোতে কৃষি বিজ্ঞানী ড০ যদুনাথ বেজবৰুৱাক লগ পায়। সেই বিজ্ঞানী গৰাকীয়ে আছিল যাদৱ পায়েঙক সেউজবাটৰ সন্ধান দিয়া, গাখীৰ বিক্ৰী কৰি জীৱন বাটত আগবঢ়াৰ বাবে প্ৰেৰণা দিয়া একমাত্ৰ ব্যক্তি।

পায়েং এতিয়াও ৰৈ যোৱা নাই, সেই সাধাৰণ জীৱনশৈলীৰে আজিও নিয়মীয়াকৈ গছ ৰোৱা, গছ প্ৰতিপাল কৰা কাম কৰি আছে। 

         সন্মান ইত্যাদি:

         >> তৰফৰ পৰা পদ্মশ্ৰী বঁটাৰে সন্মানিত

         কৰা হয়, ২০১৫ চনত।

         >> ১২৮ সংখ্যক কমনৱেলথ পইণ্টছ্ 

        অৱ লাইট এৱাৰ্ড" বঁটাৰ বাবে নিৰ্বাচিত কৰা          হয়, ২০২০ চনত।

        >> মেক্সিকোৰ "আজটেকা" নামৰ বেচৰকাৰী

         সংস্থা এটাৰ সৈতে এখন বিশেষ চুক্তিত

         স্বাক্ষৰ, উত্তৰ আমেৰিকাৰ মেক্সিকো দেশৰ           আঠ লাখ হেক্টৰ ভূমিত সত্তৰ লাখ গছপুলি           ৰোৱাৰ সিদ্ধান্ত।

          >> ইত্যাদি, ইত্যাদি

হোমৱ'ৰ্ক আৰু ভাৰতীয় শিশু চিনেমা প্ৰসংগ/২

"হোমৱ'ৰ্ক" --ফ্ল'ৰত। 

আমি অপেক্ষাত-- শিশু কেন্দ্ৰীক চিনমাৰ বৃত্তৰ মাজতে বন্দী হৈ নাথাকি, শিশু-কিশোৰে বিনোদন দিব পৰা, শিক্ষা লব পৰা এখন চিনেমাৰ। 

আমাৰ ধাৰণা-- অচিন্ত শংকৰে হতাশ নকৰে!

📌শিশু-কিশোৰে ভাল পোৱা চিনেমা!

কেনে ধৰণৰ চিনেমা পছন্দ কৰে শিশু-কিশোৰে?

এটা সমীক্ষাত প্ৰকাশ-- ভাৰতৰ শিশু-কিশোৰৰ পছন্দৰে শীৰ্ষ স্থানত থকা ভাৰতীয় চিনেমা খন-- "মিষ্টাৰ ইণ্ডিয়া" (২৫ মে ১৯৮৭)। শেখৰ কাপুৰৰ পৰিচালনা। সেই সময়ত চিনেমা খনে ব্যৱসায় কৰিছিল ১.১৫ কোটি টকা (100 rupees in 1987 are equivalent to 1,229.78 rupees in 2023.)। সমীক্ষাত প্ৰকাশ-- চিনেমা খনৰ ৮৩% শতাংশ দৰ্শক শিশু-কিশোৰ। 

আন কেইখন মান শিশু-কিশোৰে পছন্দ কৰা ভাৰতীয় চিনেমা: 

                           ২। ষ্টেনলি কা ডাব্বা

(পৰিচালক: অমল গুপ্তে/ ১৩ মে, ২০১১)

                            ৩। ছোটা ছিপাহি (পৰিচালক: জয়শ্ৰী কানাল/ ৫২ সংখ্যক ৰাষ্ট্ৰীয় চলচ্চিত্ৰ বঁটা লাভ, শ্ৰেষ্ঠ শিশু শিল্পীৰ শিতানত/ ১৫ অক্তোবৰ ২০০৫)

                            ৪। ৰাইনো (পৰিচালক: শশংক শংকৰ/ ২ মাৰ্চ ১৯৮৭/ অসমৰ গড় কেন্দ্ৰীক কাহিনী।)

                            ৫। আই এম কালাম (পৰিচালক: নীলা মাধব পাণ্ডা/ ৫ আগস্ট, ২০১১)

                            ৬। চিল্লাৰ পার্টি (পৰিচালক: বিকাশ বহল, নিতেশ তিৱাৰী/ ৮ জুলাই, ২০১১)

                            ৭। তাৰে জমিন পৰ (পৰিচালক: আমিৰ খান/ ৭ এপ্ৰিল ২০০৯)

                            ৮। ব'ম ব'ম বোলে (পৰিচালক: প্রিয়দর্শন/ ইৰাণী ছবি ' Children Of Heavens ' ৰ আনুষ্ঠানিক অভিযোজন/ ১৪ মে, ২০১০)

                            ৯। ৰা-ৱান (পৰিচালক: অনুভৱ সিনহা/ ২৬ অক্টোবর, ২০১)

                            ১০। হাৱা হাৱাই (পৰিচালক: অমল গুপ্তে/ ৯ মে' ২০১৪)

                            ১১। ছোটা ছেটন (পৰিচালক: জিজো পুনুছ/ ১৯৯৮)

                            ১২। মুঝছে দস্তী কৰোগে (পৰিচালক: গোপী দেশাই/ ১৯৯২)

                            ১৩। ভূতনাথ (পৰিচালক: বিবেক শর্মা/ ৯ মে, ২০০৮)

                            ১৪। জজন্তৰাম মমন্তৰাম (পৰিচালক: সৌমিত্ৰ ৰানাডে/ ৩০ মে’ ২০০৩)

                            ১৫। কই মিল গয়া (পৰিচালক: ৰাকেশ ৰোশন/ ৮ আগষ্ট ২০০৩)

--এই চিনেমা কেইখনলৈ মন কৰক! 

বিষয়বস্তু ভিন্ন, কাহিনী কোৱাৰ শৈলী ভিন্ন। দুটা দিশ স্পষ্ট (১) শিশু-কিশোৰে বিনোদনৰ বাবে চিনেমা চায়, (২) নিজকে অনুভৱ কৰা, কল্পনা কৰিব পৰা চিনেমা খন পছন্দ কৰে। (ক্ৰমশঃ)

assamese cinema utpalmena

                            

Adipurush বনাম শ্ৰী ৰঘুপতি

ఆదిపురుషుడు (আদিপুৰুষ) --এখন তেলেগু চিনেমা। হিন্দীতো নিৰ্মাণ হৈছে। ডাব কৰা হৈছে তামিল, মালায়ালম আৰু কন্নড় ভাষাত। বাজেট: ৫০০ কোটি টকা। ১৬ জুনত চিত্ৰগৃহলৈ অহা চিনেমা খনে ভাৰতীয় চিনেমাৰ বজাৰ খন দখল কৰি লৈছে, প্ৰচাৰ চমকেৰে, বজাৰ চিন্তাৰে  (ধৰণা কৰা হৈছে-- চিনেমা খনে বক্স অ'ফিচ বৈতৰণী যে পাৰ হ'ব পাৰিব আশা নাই, যদিওবা চিনেমা খনৰ চিত্ৰনাট্য ৰচনাৰ সময়তে বজাৰ চিন্তা আৰম্ভ হৈছিল; আৰু বাজেট স্থিৰ কৰা হৈছিল।)। সন্দেহ নাই পৰিচালনা শৈলী, নিৰ্মাণ চমকেৰে এসপ্তাহমান সপ্তাহ "দপদপা"ই থাকিব-- চিত্ৰগৃহত। 

আৰু "তাৰকা চমক"?

--অভিনয়ত আছে: প্ৰভাষ, কৃতি স্যানন, ছেইফ আলী খান, সানি সিং, দেবদত্ত নাগে, বৎসল শেঠ, সোনাল চৌহান, ত্রুপ্তি তোৰাদমাল আদিৰ লগতে অমিতাভ বচ্চন।

ইমান খিনি "তাৰকা চমক"ৰ পাছতো কিন্তু চিনেমা আলোচক সকলে ভাল পোৱা নাই। তৰণ আদৰ্শে কৈছে-- "epic disappointment", মহাকাব্যিক হতাশা। কিন্তু বজাৰত আশা-- ৫০০ কোটি টকা বাজেটৰ চিনেমা খনৰ প্ৰযোজক পক্ষই চিত্ৰগৃহলৈ অহাৰ পূৰ্বে সংগ্ৰহ কৰিছে ৪৩২ কোটি টকা। প্ৰথম দিনটোত box office collection ৪০-৪৫*কোটি টকা (হিন্দী)।

              📌"আদিপুৰুষ"ৰ দপদপনিৰ মাজতো

                    কিন্তু নিস্প্ৰভ নয়য় এখন অসমীয়া

                    চিনেমা।

📌এখন অসমীয়া চিনেমা-- "শ্ৰী ৰঘুপতি"। চিত্ৰঘৃহলৈ আহিছে যোৱা ৫ জুনত। চিনেমা খনৰ বাজেট ৩ কোটি টকাৰ বেছি নহয়। "আদিপুৰুষ"ৰ দৰে অভিনয়ত "তাৰকাৰ তালিকা"ও নাই। ভাল লগা দিশটো হ'ল-- অসমীয়া চিনেমা খনৰ বাণিজ্য গতিক বাধা দিয়াত ব্যৰ্থ-- "আদিপুৰুষ"। 

মহানগৰীৰ "অনুৰাধা"ত "শ্ৰী ৰঘুপতি"ৰ তিনিটা দৰ্শনীৰ বিপৰীতে "আদিপুৰুষ"ৰ দৰ্শনী এটা। পি ভি আৰত "শ্ৰী ৰঘুপতি" ৬টা, "আদিপুৰুষ"ৰ ৮টা। মহানগৰীৰ চিত্ৰগৃহত ৫১টা দৰ্শনী চলি আছে, "আদিপুৰুষ"ৰ সৈতে সংঘাত নোহোৱাকৈ। আৰু মহানগৰীৰ বাহিৰতো "শ্ৰী ৰঘুপতি"ৰ গুৰুত্ব বাঢ়ি থকাৰ খবৰ পাইছোঁ। --এয়া কম সুখৰ খবৰ নে?

*সংযোজন: ₹85 crore on its opening day, with ₹43 crore from the Telugu version and ₹42 crore from the Hindi version.  ( ১৭জুন ২০২৪)

 (ক্ৰমশঃ)

box office collection by : utpalmena

হোমৱ'ৰ্ক আৰু ভাৰতীয় শিশু চিনেমা প্ৰসংগ/১

আৰু এখন শিশু অসমীয়া চিনেমা। 

আজি শুভ মহুৰৎ অনুষ্ঠান হৈ যোৱা চিনেমা খনৰ নাম-- "হোমৱ'ৰ্ক"। নামতেই বিষয়বস্তু স্পষ্ট। 

পৰিচালক: অচিন্ত শংকৰ।

>>>>>>>>>>

📌অসমীয়া শিশু চিনেমাৰ বাট মুকলি কৰিছিল গৌৰী বৰ্মনে। "অকন" (১৯৮০) নামৰ চিনেমা খনেৰে। পৰিচালকৰ কাহিনীৰ আধাৰত চিত্ৰনাট্য লিখিছিল নিৰোদ চৌধুৰীয়ে। (এই চিনেমা খনে শিশু চিনেমাৰ চেঞ্চৰ চাৰ্টিফিকেট লাভ কৰা নাছিল বাবে "শিশু চিনেমা"ৰ তালিকাত নাৰাখিম নে?)

"হোমৱ'ৰ্ক"ৰ মুল চৰিত্ৰত অভিনয় কৰিব সূৰ্যাংগ জীউ মাৰ্ঘেৰিটাই। সূৰ্যাংগ আভিনেত্ৰী গায়ত্ৰী মহন্ত-সাংসদ পৱিত্ৰ মাৰ্ঘেৰিটাৰ পুত্ৰ।

----------------------------------

আন এখন শিশু অসমীয়া চিনেমা-- "গৰখীয়া" (১৯৯০)। হেমেন দাসৰ পৰিচালনা। হোমেন বৰগোহাঞিৰ একে নামৰ গল্পৰ ৰূপালী গল্প।

এই একেটা বছৰতে চিত্ৰগৃহলৈ আহিছিল আন এখন শিশু চিনেমা-- "অবুজ বেদনা'। গুণসিন্ধু হাজৰিকাৰ পৰিচলনা। ইয়াৰ পাছৰ সময় চোৱাত নিৰ্মাণ হয় ব্ৰজেন বৰা পৰিচালিৰে "শ্ৰীমান মাইমন", জাহ্নু বৰুৱাৰ পৰিচালনাৰে "তৰা"

(২০০৪/ চিলড্ৰেনছ ফিল্ম ছ'ছায়টি, ইণ্ডিয়াৰ প্ৰযোজনা।), ৰতন শীল শৰ্মাৰ পৰিচালনাৰে  "মাৰ্কশ্বিট" (২০১৮), হীৰেণ বৰাৰ পৰিচালনাৰে  "ক্ষোভ" (২০১৭),

খঞ্জন কিশোৰ নাথৰ "চোৰ" (২০১৬), সঞ্জীৱ হাজৰিকাৰ পৰিচালনাৰ নিৰ্মিত "বকুল ফুলৰ দৰে" (২০২৩)।

                       📌(*অবুজ বেদনা, *তৰা --শিশু                             চিনেমা। 

                         আমাৰ মনলৈ অহা প্ৰশ্ন-- ব্ৰজেন                           বৰুৱাৰ  "মুকুতা", জাহ্নু বৰুৱাৰ

                       "পখী", "কনিকাৰ ৰামধেনু", উৎপল

                        বৰপূজাৰীৰ "ঈশ্বু", বিশ্বজিৎ বৰা                           "বুম্বা ৰাইড" কিয় শিশু চিনেমা                                নহয়?)

প্ৰাথমিক চিনেকৰ্ম: মুনিন বৰুৱাৰ সৈতে অচিন্ত

---------------------

আহিছো অচিন্ত শংকৰৰ "হোমৱ'ৰ্ক"লৈ। 

অচিন্তৰ চিনেকৰ্ম চাইছো। চিনেক্ষমতা থকা পৰিচালক। পৰিশ্ৰম কৰা, কৰিবপৰা চিনেকৰ্মী। 

পৰিচালক গৰাকীৰ চিনকৰ্ম অনেক, পৰিচালনা কৰা চিনেমাৰ সংখ্যা এক-- "প্ৰতিঘাত" (২০১৯)। স্থানীয় বজাৰত সফলতা আশা কৰিব পৰা চিনেমা। কিন্তু পৰিচালক গৰাকীৰ বাবে, চিনেমা খনৰ বাবে "সময়" ঠিক নাছিল! চিনেমা খনে বাণিজ্যিক গতি লোৱাৰ সময়তে "কা আন্দোলন" আৰম্ভ হৈছিল। আৰু তাৰ পাছতে "লকডাউন সময়"। সেই সময়ত চিনেমাৰ, অসমীয়া চিনেমাৰ যিমান ক্ষতি হৈছিল,তাতকৈ বেছি ক্ষতি হৈছিল-- অচিন্তৰ। (চিনে কেৰিয়াৰ আৰম্ভ হৈছিল হে! আৰম্ভনীতে --উজুটি। লেং মাৰিলে "সময়ে"!)

--স্বাভাৱিকতে হতাশ হৈছিল অচিন্ত শংকৰ। চিনেমাৰ কাম হাতত লোৱা নছিল। আমাৰ ধাৰণা আছিল, অচিন্তই যেতিয়া চিনেমাৰ কাম হাতত ল'ব, নিশ্চয় "প্ৰতিঘাত"ৰ দৰেই (শৈলী, বিষয়বস্তু) ল'ব। কিন্তু ল'লে সম্পূৰ্ণ বেলেগ শৈলী, বিষয়বস্তুৰ চিনেমা। (ব্যাখ্যাৰ প্ৰয়োজন আছে জানো-- "হোমৱ'ৰ্ক" শিশু চিনেমা যেতিয়া পৰিচালনা শৈলী, বিষয়বস্তু "প্ৰতিঘাত"ৰ ওচৰৰ নহব।)

--আচিন্তই এনে সময়ত শিশু চিনেমা খনৰ কাম হাতত ল'লে, যিটো সময়ত "প্ৰতিঘাত" শৈলীৰ অসমীয়া চিনেমা এখনে (শ্ৰী ৰঘুপতি") স্থানীয় বজাৰত দপদপাই আছে। 

ইয়াৰ কাৰণ?

আমি ব্যাখ্যা কৰিব পাৰো এনেদৰে-- বজাৰ চিন্তাতকৈ চিনে চিন্তাক গুৰুত্ব দিয়া চিনেকৰ্মী অচিন্ত। হয়তো চিনেমাৰে সামাজিক দায়বদ্ধতা পালনৰ স্বাৰ্থত লৈছে "হোমৱ'ৰ্ক"। (ক্ৰমশঃ)

box office records...

box office records -- চৰ্চাৰ বিষয়। বাণিজ্যিক দিশত চিনেমা এখনে ভাল ফল দেখুৱালেই চৰ্চালৈ আহে। চৰ্চা "বিজ্ঞাপন"লৈ ৰূপান্তৰ হয়। "বিজ্ঞাপন" খবৰৰ দৰে প্ৰচাৰ হয়।

box office collection-ৰ লগত একাকাৰ হয় box office records --অজ্ঞতাৰ বাবে বা আৰ্থিক কাৰণত।

       📌box office records (হিন্দী চিনেমা)

             ১। Hum Aapke Hain Koun..!

                  Release Date: 5 Aug 1994

                  Verdic: All Time Blockbuster

                  Adjusted Gross: 9,73,11,80,340

              ২। Bahubali 2 - The Conclusion

                   Release Date: 28 Apr 2017

                   Verdic: All Time Blockbuster

                   Adjusted Gross: 7,08,99,00,000

               ৩। Gadar - Ek Prem Katha

                    Release Date: 15 Jun 2001

                    Verdic: All Time Blockbuster

                    Adjusted Gross: 6,65,38,89,610

                 ৪। Dilwale Dulhania Le Jayenge

                      Release Date: 20 Oct 1995

                      Verdic: All Time Blockbuster

                      Adjusted Gross: 6,31,15,44,470

                  ৫। Raja Hindustani

                       Release Date: 11 Nov 1996

                       Verdic: All Time Blockbuster

                       Adjusted Gross: 5,39,10,80,750

মন কৰক-- এই তালিকা খনত "ৰেকৰ্ড" কেন্দ্ৰীক চৰ্চা হোৱা "পাঠান" আদি চিনেমা নাই।

📌box office collection (অসমীয়া চিনেমা) 

         ১। ৰত্নাকৰ >> ৯.২৩ কোটি টকা (২০১৯)

*100 rupees in 2019 are equivalent to 122.69 rupees in 2023.

         ২। মিছন চাইনা >> ৬.০৭ কোটি টকা (২০১৭)

*100 rupees in 2017 are equivalent to 138.52 rupees in 2023.

         ৩। ডক্তৰ বেজবৰুৱা-২ >> ৫.৫ কোটি টকা (২০২৩)

          

         ৪। কাঞ্চনজংঘা >> ৫.১২ কোটি টকা (২০১৯)

*100 rupees in 2019 are equivalent to 122.69 rupees in 2023.

         ৫। ৰামধেনু >> ২.০৪ কোটি টকা (২০১১)

*100 rupees in 2017 are equivalent to 138.52 rupees in 2023.

         * শ্ৰী ৰঘুপতি >> ০০০০ কোটি টকা (২০২৩)

"শ্ৰী ৰঘুপতি"ৰ box office collection বৰ্তমান চৰ্চাত। চৰ্চা মতে, প্ৰথম সপ্তাহত ৩.৩ কোটি টকা (*২৪জুনৰ সংযোজন: চৰ্চা মতে, +৭ কোটি টকা। *২৬ জুনৰ সংযোজন: ২১ দিনত বক্স অফিচত সংগ্ৰহ কৰিলে ১০+ কোটি টকা )। 

অসমৰ একাংশ সংবাদ মাধ্যমৰ মতে, এয়া       

        "বহুদিনৰ মূৰত আন এখন অসমীয়া চিনেমাৰ ধামাকা। চিনেমা খনে  "ভংগ কৰিলে পূৰ্বৰ  অভিলেখ।" 

"ধামাকা" হয়; কিন্তু "অভিলেখ" নহয়।

               (যেনেদৰে "ধামাকা" দিয়া শ্বাহৰুখ খান 

               অভিনীত "পাঠান" বাণিজ্যিক    অভিলেখৰ 

               ৫ খন হিন্দী চিনেমাৰ তালিকাত নাই।)

(ক্ৰমশ:)

box office records... utpal mena

শ্ৰী ৰঘুপতি: শুব্ৰত কাকতিৰ পৰিপাটি ৰূপালী গল্প

     

      Commercial films are films that are      

      created and funded with the sole 

      purpose of generating a profit.

চিনেমাৰ "আৰ্ট-কমাৰ্চিয়েল" বিভাজনৰ ঊর্ধ্বত আমাৰ চিনেমা ধাৰণা। 

"আৰ্ট" হীন "কমাৰ্চিয়েল" চিনেমা নিৰ্মাণ হয়নে, নিৰ্মাণ সম্ভৱ নে? 

--চিনেমা পৰিচালকৰ মাধ্যম। চিনেকৰ্মৰ নিয়ন্ত্ৰক পৰিচালকৰ চিনেচিন্তা।

চিনেমা নিৰ্মাণ পৰ্ব আগবঢ়ে দুই ধৰণে-- কাহিনী কেন্দ্ৰীক বিষয়বস্তু বা বিষয়বস্তু কেন্দ্ৰীক কাহিনী নিৰ্মাণেৰে। এয়া চিনেমা নিৰ্মাণ পৰ্বৰ প্ৰথম বিন্দু। দ্বিতীয় বিন্দু-- পৰিচালকে (আৰু চিত্ৰনাট্যকাৰে) নিৰ্দিষ্ট গল্পটো বিষয়বস্তুৰে বান্ধি কেনেদৰে দেখুৱাব খোজে। এই দ্বিতীয় বিন্দুটোতে ঠিক হয়-- চিনেমা খনৰ পৰিচালনা শৈলী।

📌আহিছো-- "শ্ৰী ৰঘুপতি" প্ৰসংগলৈ। এখন পৰিপাটি অসমীয়া চিনেমা। তামিল-তেলেগু বা হিন্দী চিনেমাত যে মাৰ-পিটৰ দৃশ্য চিত্ৰায়ণ কৰে, তেনেদৰে "শ্ৰী ৰঘুপতি"তো কৰিছে। কিন্তু "শ্ৰী ৰঘুপতি" তামিল-তেলেগু বা হিন্দী শৈলীৰ মাজত সোমায়ো "অসমীয়া চিনেমা" হৈ থাকিল। 

সন্দেহ নাই, সম্ভৱ হৈছে পৰিচালক শুব্ৰত কাকতিৰ চিনে দক্ষতাৰ বাবে। 

চিনেমা খনৰ কাহিনী, সংলাপ ৰবি শৰ্মাৰ। চিত্ৰনাট্য আৰু সম্পাদনা পৰিচালক শুব্ৰত কাকতিৰ।
📌কাহিনী, সংলাপ:
ৰূপালী গল্পটোৰ নায়ক-- ৰঘুপতি। এ ডি চি। (পাছত চাৰ্কোল অফিচাৰ! -কিবা খেলি-মেলি লগা কথা। বিনোদনহে মুল কথা! চলি যাব!) দুৰ্নীতিৰ আঁতৰত থকা বিষয়া। পিতৃ-মাতৃ, একমাত্ৰ ভগ্নী, প্ৰেয়সী-- এয়াই ৰঘুপতিৰ পৰিয়াল।

ৰঘুপতিৰ ভগ্নীৰ ইচ্ছা বা জীৱনৰ লক্ষ্য শিক্ষয়ত্ৰী হোৱা, গাঁৱত শিক্ষাৰ পোহৰ বিলোৱা। লক্ষ্য স্থানত খোজ পেলালে ৰঘুপতিৰ ভগ্নীয়ে। এখন গাঁৱত শিক্ষাৰ পোহৰ বিলোৱাত ব্যস্ত হ'ল।
কাহিনী আগবাঢ়ে, মসৃন গতিত।
"সুখৰ গল্প"লৈ দুখ আহে-- শিশু সৰবৰাহ চক্ৰ এটাৰ এজনে ধৰ্ষণ কৰে, হত্যা কৰে ৰঘুপতিৰ ভগ্নীক।
আৰু ভগ্নীৰ মৃত্যুৰ পাছৰে পৰা গল্পৰ মুড সলনি হয়। কাহিনীলৈ খলনায়ক আহে। ৰঘুপতিয়ে শিশু সৰবৰাহ চক্ৰৰ বিৰূদ্ধে যুঁজ আৰম্ভ কৰে। শেষত নায়ক ৰঘুপতিৰ হাতত খলনায়কৰ মৃত্যু। শিশু সৰবৰাহ চক্ৰৰ কৱলৰ পৰা কেইবা গৰাকীয়ো কিশোৰীক উদ্ধাৰ।
কাহিনী লেখকে ৰাজনীতিক-ফেশ্বন জগতৰ একাংশ আৰু শিশু সৰবৰাহ চক্ৰক লৈ বিষয়বস্তুৰ ৰেখা এডাল টানছে।
আমাৰ ধাৰণাত-- এই চিনেমা খনৰ নিৰ্মাণ পৰ্বৰ প্ৰথমটো বিন্দু, চৰিত্ৰ (কাহিনী) কেন্দ্ৰীক বিষয়বস্তু।
আহিছো সংলাপলৈ।
চিনেমা খনৰ কাহিনীৰ টাৰ্ণি পইণ্ট দুটা।
দ্বিতীয়টো টাৰ্ণি পইণ্টত গতি দিছে সংলাপেৰে-- "ৰামচন্দ্ৰৰ আন এটা নাম ৰঘুপতি, ৰামৰ জন্ম হৈছিল লংকাৰ ৰাৱণক বিনাশ কৰিবলৈ, ৰাৱণ বিনাশ হ’ল সঁচা কিন্তু তাৰ পিছত জন্ম হ’ল হেজাৰ হেজাৰ ৰাৱণ।..." (এই সংলাপটোৱে মনলৈ আনি দিয়ে মৃদুল চুতীয়াৰ নাটক-- "লংকাবিহীন ৰাৱণ"। নাটক খনৰ মূল চৰিত্ৰটোত ৰবি শৰ্মাই আভিনয় কৰিছিল, ৰাজশ্ৰী থিয়েটাৰত।)
--এই সংলাপটোৰে (সিদ্ধাৰ্থ শৰ্মাক লৈ নিৰ্মাণ কৰা চৰিত্ৰটোৰ মুখত দিয়া) হতাশৰ মাজত সোমাই পৰা ৰঘুপতিক মুক্ত কৰিছিল। "গল্প"ক ৰঘুপতি কেন্দ্ৰীক গতি দি খলনায়কৰ বিৰূদ্ধে ঠিয় কৰাইছে।

আন এটা সংলাপ, মন চুই যোৱা, মগজুত ৰৈ যোৱা-- "এগৰাকী ছোৱালীৰ যেতিয়া ধৰ্ষণ হয়, কেৱল তাইৰ শৰীৰটোৱেই ধৰ্ষিতা নহয়। ধৰ্ষণ হয় তাইৰ মাকৰ কষ্টৰ, দেউতাকৰ সপোনৰ আৰু এটা পৰিয়ালৰ আশাৰ"। আৰু ভালে মান সংলাপ আছে, যিবোৰ ৰূপালী গল্পটোৰ অলংকাৰ হৈ সৌন্দৰ্য বঢ়িইছে, গল্পক গতি দিয়াত সহায় কৰিছে। সংলাপ লেখকে "সাহিত্য"ৰ সংলাপ লিখা নাই, "চিনে সংলাপ" লিখিছে; কিন্তু নাটকৰ ওচৰৰ "চিনে সংলাপ"। বিশেষকৈ সিদ্ধাৰ্থ শৰ্মাৰ ওঁঠত দিয়া সংলাপৰ সৰহ ভাগ।

📌চিত্ৰনাট্য: 

এক কথাত-- দুৰ্বল চিত্ৰনাট্য। মূল চৰিত্ৰটো নিৰ্মাণতে ব্যৰ্থ চিত্ৰনাট্যকাৰ। বিন্যাসত ব্যৰ্থ। বিন্যাস মসৃন; কিন্তু গতিহীন। খলনায়কৰ চৰিত্ৰ বিন্যাস মূল গল্পৰ গতিত-- উজুটি। 

📌পৰিচালনা:

দুৰ্বল চিত্ৰনাট্য সবল ৰূপালী গল্পলৈ ৰূপান্তৰ হৈছে পৰিচালকৰ পৰিচালকৰ পৰিপাটি পৰিচালনাৰ বাবে। প্ৰথম ৩০মিনিট মান দৈৰ্ঘৰ গতি মন্থৰ। মন্থৰ গতি আমনিদায়ক হোৱা নাই। কাহিনীৰ বুনিয়াদ নিৰ্মাণৰ মন্থৰ গতিৰ এই "দৈৰ্ঘ"তে পৰিচালক স্পষ্ট কৰিছে ভূগোল; আৰু ৰূপালী গল্পটোৰ বুৰজ্ঞী স্পষ্ট কৰিছে ক্ৰমে, কাহিনীৰ গতিত। নায়কৰ ভগ্নীৰ মৃত্যুৰ পাছত ৰূপালী গল্পটোৰ গতি দ্ৰুত হৈছে। দ্ৰুত গতিয়ে চিনে সৌন্দৰ্য বঢ়াইছে। নায়কৰ ভগ্নীৰ মৃত্যুৰ পাছত গল্পটোক গতি দিছে (চিনেমা খনৰ কাহিনীৰ প্ৰথমটো টাৰ্ণি পইণ্ট) এটা গীতেৰে--

                  হে নাৰায়ণ

                  হে নাৰায়ণ

                  কিনো অৱতাৰ

                  প্ৰাণৰ কাতৰ

                  তোমাৰ চৰণ

                  যাতনা যি য'ত

                  আমাৰ জীৱন ...।

                  --গীতটোৰ চিত্ৰায়ণ পৰিপাটি। গল্প আগবঢ়াই নিয়া গীতটোত অসমীয়া বাদ্য, নৃত্যৰ প্ৰয়োগক এনেদৰেও ক'ব পৰা যায়-- চিনেমেটিক চমক। আন কেইটা গীত চিনেমা খনৰ গল্পৰ অলংকাৰ মাত্ৰ। 

পৰিচালকৰ চিনেশক্তি স্পষ্ট হোৱা আন এটা দিশ-- প্ৰতিটো চৰিত্ৰ পৰিপাটিকৈ কাহিনীৰ সৈতে গুথিছে। নায়িকা (প্ৰীতি কংগনাকলৈ নিৰ্মাণ কৰা চৰিত্ৰটো) ৰূপালী গল্পটোত "ফুলদানি" মাত্ৰ। নায়কৰ বিপৰীতে নায়িকাৰ প্ৰয়োজন-- ভাৰতীয় চিনেমাৰ এই অলিখিত নিয়মটোৰ তাগিদাতে নিৰ্মণ কৰা হৈছে এই চৰিতটো। (কাহিনী শেষ হোৱাৰ কিছু আগতে অৱশ্যে দেখিলোঁ-- গুলিবিদ্ধ নায়কৰ অপেক্ষাত আছিল চিকিৎসক নায়িকা! এনে এখন চিকিৎসালয়, যি খনত চিকিৎসক নায়িকা, আৰু এগৰাকী কৰ্মচাৰিৰ বাহিৰে আন কোনো নাছিল। --চিনেমা খনৰ এটা দুৰ্বল দৃশ্য পৰিকল্পনা। এনে দুৰ্বল পৰিকল্পনা আৰু কেইবাটাও আছে। যি নহওক, নায়িকাক তেনেদৰেই গুথিলে পৰিচালকে।) ৰূপালী গল্পটোৰ প্ৰথম ভাগত অপ্ৰয়োজনীয় বুলি ভবা, বৰ্ণালী পূজাৰীক লৈ নিৰ্মাণ কৰা চৰিত্ৰটোও শেষৰ ফালে কাহিনীৰ অংগ হৈছে। অৰুণ নাথক লৈ নিৰ্মাণ কৰা চলমান খান চৰিত্ৰটো হঠাতে গুথিছে কাহিনীৰ গতিত বাধা নিদিয়াকৈ। তেনেদৰে গুথিছে 

  সিদ্ধাৰ্থ শৰ্মা, প্ৰিয়ম পল্লৱী, ৰীণা বৰা,  ৰাজ শৰ্মা আদিয়ে অভিনয় কৰা প্ৰতিটো চৰিত্ৰ। নায়কক বীৰ সজাবলৈ নিৰ্মাণ কৰা চুটি দৃশ্য কেইটাত ফ্ৰেমত ৰখা চৰিত্ৰ কেইটাকো পৰিপাটিকৈ গুথিছে।

পৰিচালক গৰাকীৰ চিনেশক্তি স্পষ্ট হোৱা আন এটা দিশ-- চিত্ৰনাট্যকাৰে ৰচনা কৰা দুৰ্বল ৰঘুপতি চৰিত্ৰটোৰ দুৰ্বলতা ঢাকিছে কেমেৰাৰ ভাষাৰ সু-গাণিতিক প্ৰয়োগেৰে।

সম্পূৰ্ণ ৰূপালী গল্পটোত সাহিত্যৰ ভাষা (সংলাপ প্ৰয়োগ)-কেমেৰাৰ ভাষা (শ্বট নিৰ্বাচন, গাণিতিক প্ৰয়োগ) ৰ সমতা ৰক্ষা "শ্ৰী ৰঘুপতি"ৰ চিন সফলতাৰ বা পৰিচালকৰ চিনে দক্ষতা (cinematic skills!)-ৰ আন এটা দিশ।

চিনেমা খনৰ পৰিচালনা শৈলী, গল্প কোৱাৰ মুডৰ কথা মনত ৰাখি এনেদৰে কোৱাৰ প্ৰয়োজন আছে

-- এনে শৈলীৰ চিনেমাত "cinema realty" অৱান্তৰ বিষয়, দৰ্শকক দিয়া বা দিব পৰা বিনোদন সফলতা-বিফলতাৰ মাপকাঠি। 

📌অভিনয়:

মূল চৰিত্ৰ ৰঘুপতি নিৰ্মাণ কৰিছে ৰবি শৰ্মাক লৈ। সুযোগৰ সৎ ব্যৱহাৰ কৰিছে ৰবিয়ে। পৰিচালকৰ চৰিত্ৰ। চৰিত্ৰটোক কেন্দ্ৰ কৰি কাহিনীক গতি দিছে পৰিচালকে। 

চিনেমা খনত পৰিচালকে শ্ৰেষ্ঠ চৰিত্ৰটো নিৰ্মাণ কৰিছে সিদ্ধাৰ্থ শৰ্মাক লৈ। সিদ্ধাৰ্থ অভিনয় দৰ্শকে মনত লৈ গৈছে। নায়কৰ ভগ্নীৰ চৰিত্ৰত প্ৰিয়ম পল্লৱীয়ে ভাল অভিনয় কৰিছে। 

"চলমান খান" অৰুণ নাথক সম্পূৰ্ণ নতুন গেট-আপত নিৰ্মাণ কৰিছে। "চলমান খানে" অৰুণ নাথক নিস্প্ৰভ কৰাত ব্যৰ্থ।

📌 আৱহধ্বনি ইত্যাদি

চিনেমা খনত ব্যৱহাৰ হোৱা আৱহ সংগীতে ৰূপালী গল্পটোৰ বিশেষ আৱেদন শক্তিশালি কৰিছে, পৰিবেশ নিৰ্মাণত সহায় কৰিছে, সৌন্দৰ্য বঢ়াইছে-- গতিকে প্ৰণয় দত্তক (আৱহ-সংগীতৰ লগতে চিনেমা খনৰ গীতকেইটিৰ সংগীত ব্যৱস্থাপনা-প্ৰণয় দত্তৰ।) প্ৰশংসা কৰিব পাৰো। 

চিনেমা খনৰ বিশেষ অলংকাৰ চৰিত্ৰ বিশেষৰ ওঁঠত ব্যৱহাৰ কৰা ভূপেন হাজৰিকাৰ গীতাংশ। গীতাংশই সংলাপৰ কাম কৰিছে। (কৃতিত্ব পৰিচালকৰ লগতে সংগীত পৰিচালকৰো।)

বিশেষ ধ্বনিকৌশলো (sound effect) চিনেমা খনৰ অলংকাৰ হৈছে। 

চিনেমা খনৰ সৌন্দৰ্য বঢ়াইছে সম্পাদক আৰু কেমেৰাৰ কামে। কেমেৰাৰ কাম কৰিছে প্ৰদীপ দৈমাৰীয়ে।

(আৰু আছে)

শ্ৰী ৰঘুপতি by : Utpal Mena

ৰঘুপতি! শ্ৰীৰঘুপতি!

🔴এখন অসমীয়া ভাষাৰ চিনেমা--"শ্ৰীৰঘুপতি"। 

যি সকলে টিকট ক্ৰয় কৰি চাইছে, সেই সকলেও ভাল পাইছে।

         (📌 কোনোকালে টিকট ক্ৰয় কৰি অসমীয়া

          চিনেমা নোচোৱা সকলৰ কথা কোৱাৰ

          প্ৰয়োজন অনুভৱ কৰা নাই।) 

অসমীয়া ভাষাৰ এটা (প্ৰথম) বিন্দু-- "মিছন চাইনা" (৮ ছেপ্তেম্বৰ ২০১৭) জুবিন গাৰ্গৰ পৰিচালনাৰে নিৰ্মিত এই চিনেমা খনে এখন বহল স্থানীয় বজাৰৰ ধাৰণা দিছিল। (চৰ্চা মতে) প্ৰায় ২ কোটি টকা বাজেটৰ চিনেমা খনৰ box office collection ৬ কোটি টকা। জুবিন গাৰ্গৰ পৰিচালনাৰে নিৰ্মিত আন এখন চিনেমা "কাঞ্চনজংঘা" (৬ ছেপ্টেম্বৰ ২০১৯) -ৰ box office collection (বাজেট ₹১.৫ কোটি) ৫.১২ কোটি টকা। জুবিন গাৰ্গে বাট কটা এই বজাৰ কেন্দ্ৰীক ধাৰাৰ দ্বিতীয়টৌ বিন্দু-- "ৰত্নাকৰ: মৰমৰ নতুন আখ্যান" (১১ অক্টোবৰ ২০১৯), যতীন বৰাৰ পৰিচালনা। এই চিনেমা খনৰ box office collection (বাজেট ₹ ১.৩ কোটি) ৯.২৩ কোটি টকা। স্থানীয় বজাৰৰ এই বাণিজ্যিক সফলতাক আজিলৈকে আন অসমীয়া ভাষাৰ চিনেমাই চুব পৰা নাই। এতিয়া আশা কৰা হৈছে ১০৮ খন পৰ্দাত প্ৰদৰ্শন হৈ থকা সুব্ৰত কাকতিৰ পৰিচালনাৰে নিৰ্মিত "শ্ৰীৰঘুপতি"য়ে বাণিজ্যিক দিশত, স্থানীয় বজাৰত নতুন ৰেকৰ্ড গঢ়িব।

             📌এই আশাৰ কাৰণ?

             (চৰ্চা কৰিম কাইলৈ চিনেমা খনৰ দৰ্শক       

             হোৱাৰ পাছত। 

             📌হয়, "শ্ৰীৰঘুপতি" চোৱা নাই। কাইলৈহে 

             চাম।

শ্ৰীৰঘুপতি ৰবিশৰ্মা utpal mena assamese cinems

হীৰেন বৰাৰ চিনেমা

যোৱা দুমাহে চিনেমা চাইছোঁ, ৫০-৬০ খন অসমীয়া, অসমীয়া ভাষাৰ চিনেমা। আজিও চালো ৭খন, বিশেষ প্ৰকল্প এটাৰ কথা মনত ৰাখি।

--আজি চোৱা ৭ খনৰ ভিতৰত, ৩খনৰ পৰিচালক হীৰেন বৰা। চিনেমা তিনিখন:  ক্ষোভ, সীমা-the Untold Story , বাঁহী।

>>>>>>>>>>>>>>>>>>

হীৰেন বৰাৰ সপক্ষে,বিপক্ষে/১।।- উৎপল মেনা https://rupaliparda.com/archives/27116

হীৰেন বৰাৰ সপক্ষে, বিপক্ষে / ২ ।। – উৎপল মেনা https://rupaliparda.com/archives/27235

>>>>>>>>>>>>>>>>>>

🔴 ভাল লাগিল (ভাল নলগাৰ পূৰ্বে):

📌সীমা-the Untold Story চিনেমা খনৰ ভাল লগা দিশ-- জৰ্জ বেকাৰ আৰু ডাঃ জাহানাৰা বেগমৰ অভিনয়। দুই অভিনয় শিল্পী "চৰিত্ৰ"লৈ ৰূপান্তৰ হৈছে, বাস্তৱ অভিনয় (real acting)-ৰে। চিনেমা খনৰ একমাত্ৰ আলংকাৰ এই "চৰিত্ৰ" দুটা।

📌বাঁহী চিনেমা খনৰো দুটা চৰিত্ৰৰ নিৰ্মাণ কাৰ্য পৰিপাটি। চৰিত্ৰ দুটা পৰিচালকে নিৰ্মান কৰিছে অলক নাথ, বৰষা ৰাণী বিষয়াক লৈ। জমিদাৰ আৰু জমিদাৰৰ পত্নীৰ চৰিত্ৰত ক্ৰমে অলক নাথ, বৰষাই কৰা অভিনয় চিনেমা খনৰ সম্পদ। বিশেষকৈ বিশেষ ইমেজেৰে দৰ্শকৰ "জনপ্ৰিয় নায়িকা"ৰ তালিকাত থকা বৰষাই ইমেজ মুক্তহৈ কৰা অভিনয়ৰ প্ৰসংগত এনেদৰে কব পাৰি-- সম্ভৱ হৈছে অভিনেত্ৰী গৰাকীৰ অভিনয় ক্ষমতাৰ বাবে। (আৰু আছে)

ৰমেন বৰুৱা ...

কোৱা হয় " ডক্তৰ বেজবৰুৱা " --  ৰমেন বৰুৱাই সংগীত পৰিচালনা কৰা প্ৰথম খন চিনেমা ! -- নহয় , " আমাৰ ঘৰ "ৰ সংগীত পৰিচালনা কৰিছিল ব্ৰজেন বৰুৱাৰ সৈতে , ১৯৫৯  চনত । " আমাৰ কাম ঘৰুৱাভাবে হৈছিল । হঠাতে এদিন ক'লে ( ব্ৰজেন বৰুৱাই ) মই ' ডক্তৰ বেজবৰুৱা 'ৰ সংগীতৰ কাম কৰিব লাগিব ! অকলে কৰিব লাগিব ! মোক চিনেমাৰ কাহিনী ক'লে , মুড বুজালে । আৰু সংগীতৰ কথা চিন্তা কৰাৰ দায়িত্ব দিলে । তেনেদৰে             দ্বীপেন বৰুৱাই গীত গোৱা সিদ্ধান্তয়ো হঠাতে লৈছিল  ।  দ্বীপেনৰ অভিনয় , সংগীতত ৰাপ নিছিল ।  ক্ৰিকেটত ৰাপ আছিল ।।  কোচবিহাৰ ট্ৰফি, ৰঞ্জি ট্ৰফি  আদি অসমৰ হৈ খেলিছিল । হঠাতে মোক কৈছিল ( ব্ৰজেন বৰুৱাই ) ' গীত ( 'ডক্তৰ বেজবৰুৱা'ৰ গীত )  দ্বীপেনে  গাব । চিন্তা কৰিব নালাগে ! সি গা ধুই থাকোঁতে গীত গোৱা শুনিছো । কণ্ঠ ভাল । আৰু সচাকৈয়ে সি ভাল  গালে । পিছৰ চিনেমাতো গালে । ক্ৰিকেটাৰৰ পৰা গায়ক হ'ল । " -- ৰমেন বৰুৱাই কৈছিল । ৰমেন বৰুৱাই সংগীত পৰিচিলকৰ যাত্ৰা  আৰম্ভ কৰিছিল ঊনৈশ বছৰ বয়সত । আৰু সংগীতেৰে সজাই গৈছিল  "বৰুৱাৰ সংসাৰ " , " মুকুতা " ," যোগ বিয়োগ " ," ললিতা " ," ওপজা সোণৰ মাটি " , " হৃদয়ৰ প্ৰয়োজন " ," উত্তৰণ " , " সোণতৰা " , " পৰিণাম " ," তৰামাই " , "সোণমা " ,   " মৰমী ", " মৰম " ,

" আশ্ৰয় " ," আজলী নবৌ " , " ৰজা হৰিশ্চন্দ্ৰ " ,      " মানসী " ," উত্তৰ শূন্য " , " ৰাজা " " ককাদেউতা নাতি আৰু হাতী " , " শকুন্তলা আৰু শংকৰ জোচেফ আলি " , " এণ্টনী মোৰ নাম " , " দীপজ্যোতি " ,        " অজলা ককাই " , " মনিমা " (বাংলা / 'সোণমা'ৰ বাংলা ৰূপ ) , " দাদু, নাতি-হাতী " ( বাংলা / 'ককাদেউতা, নাতি আৰু হাতী'ৰ বাংলা ৰূপ ) । সংগীত পৰিচালক গৰাকীয়ে চিনেমাৰ গীতত  কণ্ঠদানো কৰিছিল ( চিনেমা :  স্মৃতিৰ পৰশ , মাক আৰু মৰম , আমাৰ ঘৰ ,  ওপজা সোণৰ মাটি ,

অজলা ককাই ,  মানসী। )                                   

 -- গীত আৰু চিনেমাৰ গীতৰ মাজত দূৰত্ব আছে । এই দূৰত্ব স্পষ্ট হৈছিল ৰমেন বৰুৱাই চিনেমাৰ বাবে ৰচনা কৰা সুৰ আৰু লিখোৱা গীতত । " চিনেমাৰ গীত ৰচনা কৰা হয় কাহিনিয়ে বিছৰা ধৰনে । চিনেমাৰ গীতে কাহিনী আগবঢ়াই নিয়ে , কাহিনী কয় , পৰিবেশ গঢ়ে । তেনেদৰে আৱহ সংগীতে চিনেমাৰ কাহিনীৰ পৰিবেশ গঢ়াত সহায় কৰে । আৱহ সংগীত ৰচনাত সংগীত পৰিচালকৰ পৰিশ্ৰম বেছি হয় । আৰু মই ভাবো পৰিশ্ৰম বেছি কৰিব লাগে । গীত ব্যৱহাৰ নকৰাকৈ চিনেমা হব পাৰে ; আৱহ সংগীত ব্যৱহাৰ নকৰাকৈ খুব কম চিনেমাহে হৈছে । আৰু তুমি কোৱা কথাটোও সঁচা -- গীতৰ বাবেও কেতিয়াবা কেতিয়াবা দৰ্শকে চিনেমা এখন আদৰি লয় , মনত ৰাখে । " -- ৰমেন বৰুৱাই কৈছিল । 

সংযোজন : ১৯৪০চনত জন্ম হোৱা ৰমেন বৰুৱাই  কৈশোৰ অৱস্থাতে ভাৰতীয় গণনাট্য সংঘৰ সৈতে জড়িত হৈছিল । পৰৱৰ্তী সময়ত অনাতাঁৰ কেন্দ্ৰৰো নিৰ্বাচিত কণ্ঠশিল্পী , মিউজিক কম্পোজাৰ হিচাবে সংগীত কৰ্ম কৰিছিল । সুৰেৰে সজাইছিল নৱকান্ত বৰুৱা , কেশৱ মহন্ত অজিৎ বৰুৱা আদি গীতিকাৰৰ গীত ।

                        *****

অসমীয়া চিনেমাৰ " ছুপাৰ হিট " গীতৰ তালিকাত ৰাখিব লাগিব ৰমেন - দ্বীপেন যুটীৰ সৰহ সংখ্যক গীতেই । ৰমেন বৰুৱাৰ সংগীত পৰিচালনাৰে দ্বীপেন বৰুৱাই কণ্ঠদান কৰিছে "ডক্তৰ বেজবৰুৱা ".

" বৰুৱাৰ সংসাৰ " , "মুকুতা " , " যোগ বিয়োগ " , " ললিতা " , " ওপজা সোণৰ মাটি " , " সোণতৰা " ,

" পৰিণাম " , " তৰামাই " , " সোণমা " , " মৰমী " ," মৰম " , " আশ্ৰয় " , " আজলী নবৌ " ,

" ৰজা হৰিশ্চন্দ্ৰ " ,   " মন আৰু মৰম "  " মানসী ' , " উত্তৰ শূন্য ' , " ৰাজা " ,  "উত্তৰণত ".   " হৃদয়ৰ প্ৰয়োজ " ,  " ককাদেউতা নাতি আৰু হাতী " ,  " শকুন্তলা আৰু শংকৰ জোচেফ আলি " ,    " এণ্টনী মোৰ নাম " , " দীপজ্যোতি " আৰু " অজলা ককাই "ত । কণ্ঠদান কৰিছে  ( "মানৱ আৰু দানৱ "  ,  " উপগ্ৰহ "  , " অভিযান "ত ) জীতু-তপন , ( " অৰণ্য " আৰু " উত্তৰ শূন্য "ত ) সুধীন দাশগুপ্ত , ("গণেশ'ত ) অজিত সিংহ , ( "সোণৰ হৰিণ"ত ) তফজ্জুল আলি ,  ( "মেঘমুক্তি"ত ) খগেন মহন্ত , (" ৰজনী গন্ধা"ত) কুমিৰ ৰঞ্জন , ( "ইমান মৰম কিয় লাগে"ত ) মনোজ শৰ্মা , (  "তুমিয়ে মোৰ কল্পনাৰ "ত) নয়নমণি বৰুৱা -  জয়ন্ত , আৰু ( "আই মোৰ জনমে জনম"ত ) অনুপম চৌধুৰীৰ সংগীতেৰেও । 

  

১৯৪৫ চনত লতাশিলৰ বিখ্যাত ঘৰটোতে দ্বিপেন বৰুৱাৰ জন্ম । ১৯৬৮ চনত সংগীত যাত্ৰা কৰিছিল । ২৩ বছৰ বয়সত কৰা সেই সংগীত যাত্ৰাৰ গতি যেন  আজি জুলাই , ২০২১তো যেন স্থৱিৰ হোৱা নাই !

📌গুফি পেইণ্টল আৰু নাই

📌মহাভাৰতত শকুনি মামা-- আৰু নাই। ২৮ মিনিট পূৰ্বে পোৱা খবৰ। 

--হয়, জনপ্ৰিয় হৈ পৰা অভিনেতা গুফি পেইণ্টলৰ দেহাৱসানৰ খবৰ। আশঙ্কাজনক অৱস্থাত দীৰ্ঘদিন চিকিৎসালয়ৰ বিছনাত আছিল। আৰু আজি ৭৮ বছৰ বয়সত শেষ নিশ্বাস ত্যাগ কৰে।

🔴 চন ১৯৯৬। জুন। তাৰিখ মনত নাই। কিছু সময় কথা পতাৰ সুযোগ পাইছিলোঁ। আন কথাৰ লগতে গুফি পেইণ্টলৰ সৈতে "মহাভাৰত"ৰ কথাও পাতিছিলোঁ। সেই ভাল লগা সময় খিনি বাৰে বাৰে মনলৈ আহিছে। 

🔴১৯৮৮-১৯৯০ সময় চোৱাত যেতিয়া টিভিত "মহাভাৰত" telecast হৈছিল, হোৱা সময় খিনিত বাট-পথ জনশূন্য হৈ পৰিছিল। খণ্ডৰ সংখ্যা আছিল ৯৪টা।

"আমাৰ পৰিশ্ৰমৰ সীমা নাছিল। যুদ্ধৰ দৃশ্যগ্ৰহণ কৰা হৈছিল ৰাজস্থানৰ জয়পুৰৰ ওচৰত। মই দেখি আছৰিত হৈছিলোঁ, যুদ্ধক্ষেত্ৰত ফ্ৰণ্ট লাইনৰ বাহিৰে আন মানুহৰ কাষ্টিঙৰ কোনো প্ৰয়োজন নাছিল। কাৰণ-- স্থানীয় লোকসকল নিজেই বিনামূলীয়াকৈ কাম কৰিবলৈ সাজু হৈছিল। পাৰিশ্ৰমিকৰ কোনো কথা নাছিল, যি পাইছিল-নাপাইছিল-- তাতেই সন্তুষ্ট আছিল। ধাৰাবাহিক খনত শ্ৰম দিয়াৰ সুযোগ পাইছিল, তাতেই সন্তুষ্ট আছিল।" --গুফি পেইণ্টলে কোৱা এইবোৰ কথাও আজি মনলৈ আহিছে।

১৯৮৮-১৯৯০ সময় চোৱাত যেতিয়া টিভিত "মহাভাৰত" telecast হৈছিল, হোৱা সময় খিনিত বাট-পথ জনশূন্য হৈ পৰিছিল। খণ্ডৰ সংখ্যা আছিল ৯৪টা।
"আমাৰ পৰিশ্ৰমৰ সীমা নাছিল। যুদ্ধৰ দৃশ্যগ্ৰহণ কৰা হৈছিল ৰাজস্থানৰ জয়পুৰৰ ওচৰত। মই দেখি আছৰিত হৈছিলোঁ, যুদ্ধক্ষেত্ৰত ফ্ৰণ্ট লাইনৰ বাহিৰে আন মানুহৰ কাষ্টিঙৰ কোনো প্ৰয়োজন নাছিল। কাৰণ-- স্থানীয় লোকসকল নিজেই বিনামূলীয়াকৈ কাম কৰিবলৈ সাজু হৈছিল। পাৰিশ্ৰমিকৰ কোনো কথা নাছিল, যি পাইছিল-নাপাইছিল-- তাতেই সন্তুষ্ট আছিল। ধাৰাবাহিক খনত শ্ৰম দিয়াৰ সুযোগ পাইছিল, তাতেই সন্তুষ্ট আছিল।" --গুফি পেইণ্টলে কোৱা এইবোৰ কথাও আজি মনলৈ আহিছে

🔴৪ অক্টোবৰ ১৯৪৪-ত এটি শিখ পৰিয়ালত জন্ম হৈছিল গুফি পেইণ্টলৰ। মাক-দেউতাকে আশা কৰিছিল-- গুফি অভিযন্তা হওক। ইঞ্জিনিয়াৰিং কলেজত ভৰ্টিও হৈছিল। কিন্তু গুফিৰ মন আছিল-- অভিনয়ত।

 আৰু এদিন নিজৰ মনৰ অনুভৱক গুৰূত্ব দি বলিউডত খোজ পেলাইছিল।

                বলীউডত খোজ দিয়াৰ পূৰ্বে: 

                ১৯৬২ চনত চীন-ভাৰতৰ যুদ্ধৰ সময়ত                  ভাৰতীয় সেনাবাহিনীত যোগদান কৰে।                 সেই সময় চোৱাত, সীমান্তত  ৰামলীলাৰ                 লোকনাট দেখিছিল, অনুভৱ কৰিছিল,                   আগ্ৰহ বাঢ়িছিল। আৰু এদিন  সীতাৰ                   চৰিত্ৰত অভিনয় কৰৰ সুযোগ পাইছিল।               এনেদৰেও কব পাৰি, মনত পোখা মেলি 

                

                

                থকা 'অভিনয়' মনৰ আৰু গভীৰলৈ 

                শিপাইছিল। আৰু ভাৰতীয় ফিল্ম এণ্ড 

                টেলিভিছন ইনষ্টিটিউটত প্ৰশিক্ষণ লোৱা 

                ভাতৃৰ সহায়ত বলীউডত কাষ্টিং 

                ডাইৰেক্টৰ "কেৰিয়াৰ" আৰম্ভ কৰে। 

                মডেলিং, চিনেম-ধাৰাবাহিকত অভিনয়, 

                সহকাৰী পৰিচালকৰ কাম হাতলৈ আহে। 

📌আভিনয় কৰা চিনেমা: ১৯৭৫ চনত "ৰাফু চক্কৰ",১৯৭৮ চনত "দিল্লাগী", ১৯৭৮ চনত "ডেচ পাৰ্ডেছ",

১৯৯৪ চনত "সুহাগ" , ১৯৯৫ চনত "মৈদান-ই-জং",

১৯৯৭ চনত "দাভা" , ২০০০ চনত "প্ৰতিশোধ",২০০৬ চনত "ঘুম", ২০১৩ চনত "মহাভাৰত ঔৰ বৰবাৰীক" , ২০১৪ চনত "সম্ৰাট এণ্ড কো"।

📌আভিনয় কৰা টিভি ধাৰাবাহিক: বাহাদুৰ শ্বাহ জাফৰ, মহাভাৰত, কানুন, সৌদা, ওম নমহ শিৱয়, আকবৰ বীৰবল, চি আই ডি, Ssshhhh...কই হায়, মেজিক মেক-আপ বক্স, দ্বাৰকাধীশ ভাগৱন শ্ৰী কৃষ্ণ, শ্ৰীমতী কৌশিক কি পাঞ্চ বহুৱৈ, ভাৰত কা বীৰ পুত্ৰ – মহাৰাণ প্ৰতাপ, কৰ্মফল দাতা শনি, কৰ্ণ সাংগিনী, ৰাধাকৃষ্ণ, জয় কনিয়া লাল কি।

(আৰু আছে)

indian cinema utpalmena

📌নেত্ৰি-অভিনেত্ৰি /২

"মাঘত মামণিৰ বিয়া" (১৮/১০/২০০২)  নামৰ চিনেমা খন চিত্ৰগৃহলৈ অহাৰ ১০-১২ দিন পাছত চন্দ্ৰ মুদৈক প্ৰথম বাৰ লগ পাইছিলোঁ দৈনিক কাকত "আজি"ৰ সম্পাদক অজিত কুমাৰ ভূঞাৰ কক্ষত। চিনেমা খন মোৰ পছন্দৰ নাছিল, "আজি"ত লিখিছিলোঁ। মোৰ সেই চৰ্চা আকৌ চন্দ্ৰ মুদৈৰ (স্বাভাৱিকতে!) পছন্দৰ হোৱা নাছিল। আৰু মোৰ বিৰূদ্ধে "চিনেমা খন নোচোৱাকৈ, বেয়াকৈ লিখা"ৰ অভিযোগ লৈ সম্পাদকৰ ওচৰ পাইছিল। 

            (চিনেমা খন গুৱাহাটিৰ চিত্ৰগৃহলৈ অহা

            নাছিল, সেই সময়ত। মই পকেটৰ ধন ভাঙি

            নগাৱলৈ গৈ টিকট ক্ৰয় কৰি চাই যে চিনেমা

            খনৰ চৰ্চা কৰিছিলোঁ, সেই কথা জনা

            নাছিল। আৰু জনাৰ পাছত "বেয়া নাপাব" 

            বুলিছিল,শান্ত স্বভাৱৰ পৰিচালক 

            গৰাকীয়ে।)

"অভিযোগ"--লৈ অহা সেই দিনটোৰ পাছৰে পৰা  চন্দ্ৰ মুদৈৰ সৈতে প্ৰায়ে চিনে চৰ্চা কৰিছিলোঁ। এদিন চৰ্চাৰ মাজতে "জোনদা ইমান গুণ্ডা" চিনেমা খনৰ কথা কৈছিল। আৰু কৈছিল, "নায়িকা আপোলোকৰ ফালৰে। আঙুৰলতা, নাম। অভিনয় ঠিক মতে কৰিব পাৰিব! আগ্ৰহ থকা ছোৱালী!"

হয়, অভিনয় ঠিক মতেই কৰিছিল! ৭ ছেপ্টেম্বৰ ২০০৭-ত চিত্ৰগৃহলৈ চিনেমা খন আহিছিল।  

চিনেমা খনৰ ভবেন বৰাই লিখা কাহিনীটোত "হাম আপকে হ্যাঁয় কৌন..!" ছাঁ পৰাৰ বাবে বহুতৰে তুলাচনীত মাধুৰী দীক্ষিত-আঙুৰলতা উঠিছিল। আৰু স্বাভাৱিকতে আঙুৰলতাৰ ক্ষতি হৈছিল। কথাটো এনেধৰনে ব্যাখ্যা কৰিব পাৰি-- মাধুৰী দীক্ষিতে সেই বিশেষ চৰিত্ৰটোক বিশেষ ইমেজত বন্দী কৰিছিল। সেই বিশেষ ইমেজটোৰ মাজত সোমাব পৰা নাছিল আঙুৰলতা। এই "ভুল ধাৰণা"ই ক্ষতি কৰিছিল আঙুৰলতাৰ। 

         [আঙুৰলতাৰ সৈতে তেতিয়া মোৰ চিনা-পৰচয়

         নাছিল। তথাপি ভাবিছিলোঁ, "ভুল ধাৰণা"ই

         কৰা ক্ষতি "প্ৰচাৰ"ৰ সহায়ত কমাব পাৰি। মই

         "বিস্ময়" আলোচনীৰ সেই সময়ৰ সহঃ

         সম্পাদক প্ৰমোদ কলিতাক (বৰ্তমান অসম 

         প্ৰকাশন পৰিষদৰ সচিব) কৈছিলোঁ-- 

         "বিস্ময়"ৰ বেটুপাতত আঙুৰলতাৰ ফটো দিব 

         পৰা যায় নেকি? --পাছৰ সংখ্যাৰ "বিস্ময়"ৰ 

         বেটুপাতত আঙুৰলতাৰ ফটো দেখিছিলোঁ।

         --সেই সময়ত গ্লেমাৰ দিব পৰা একমাত্ৰ

        মাধ্যম আছিল--"বিস্ময়"।]

এই যে ক্ষতি হৈছিল, আমাৰ ধাৰণাত ক্ষতি আৰু ক্ষতি হোৱাৰ কাৰণ হয়তো আঙুৰলতাই অনুভৱ কৰা নাছিল। আমি কিন্তু ভালদৰেই অনুভৱ কৰিছিলোঁ। অসমীয়া চিনেমাৰ জনপ্ৰিয় পৰিচালক এগৰাকীয়ে এটা চৰিত্ৰৰ বাবে আঙুৰলতাক মনত ৰাখি চিত্ৰনাট্য ৰচনা কৰাৰ পাছতো বাদ দিছিল। পৰিচিলক গৰাকীয়ে মোক কৈছিল-- "অভিনয়ত কিছু কেচা! তোমাক যে চৰিত্ৰ এটা আঙুৰলতাৰ বাবে লিখা বুলি কৈছিলোঁ, সেই চৰিত্ৰটোত নিশিতাক অভিনয় কৰাম।" (মই সেই সময়ত "আজিৰ দৈনিক বাতৰি"ৰ সম্পাদনা বিভাগৰ কৰ্মী। সম্পাদক: ৰাধিকামোহন ভাগৱতী। --কাকত খনত ছপা হোৱা এটা লেখাত সেই বিশেষ চিনেমা খনৰ চৰ্চাত আঙুৰলতাই অভিনয় কৰিব বুলি ছপা হৈছিল। সেই চৰ্চাত আঙুৰলতাৰ নাম ছপা নহলে হয়তো আঙুৰলতাকে "চৰিত্ৰ"টোত দেখিলো হেতেন! --সেয়া এক অন্য প্ৰসংগ। চৰ্চা কৰিম। ক্ৰমশ:)

Angoorlata deka by: Utpal Mena

📌নেত্ৰী-আভিনেত্ৰী

সেই সময়ত মই "অসমীয়া প্ৰতদিন"ত।

            (এয়া মোৰ গৌৰৱ-- আজিলৈকে কোনো

            কাকত-আলোচনীলৈ চাকৰি বিছাৰি যোৱা 

            নাই।)

অজিত কুমাৰ ভূঞা ছাৰে দ্বিতীয়বাৰ "অসমীয়া প্ৰতিদিন" কাকতৰ সম্পাদকৰ আসনত বহাৰ তৃতীয় দিনা মোক মাতি নিছিল। মাতি নি প্ৰতি শুক্ৰবাৰে প্ৰকাশ পোৱা সাংস্কৃতিক পৃষ্ঠাটোৰ লগতে প্ৰতি দেওবাৰে প্ৰকাশ পোৱা পৰিপূৰিকাৰ কাম কৰাৰ দায়িত্ব দিছিল। চন-তাৰিখ মনত মোৰ স্মৃতিৰ বাহিৰত--, সেই নিৰ্দিষ্ট চনটোৰ দূৰ্গা পূজাৰ বন্ধৰ আগ দিনা কাকতৰ কাৰ্যালয়ৰ পৰা "ফোন"-- এটা ৰঙীণ পৃষ্ঠা কৰিব লাগে। 

--কি কৰিম?

মনতে ঠিক কৰিজিলোঁ, পূজাৰ বতৰ যেতিয়া ভ্ৰাম্যমাণ থিয়েটাৰৰ নাটক কেন্দ্ৰীক লেখা-ফটোৰে পৃষ্ঠাটো সজাম! 

         (সেই নাট্যবৰ্ষত আৱাহন থিয়েটাৰৰ বাবে ধ্ৰুৱ 

         শৰ্মাই লিখিছিল "বেনজীৰ ভুট্টো"। নাম 

         ভূমিকাত অভিনয় কৰিছিল আঙুৰলতা 

         ডেকাই। নাটক খনৰ স্থিৰচিত্ৰ নাছিল। আমাৰ 

         অনুৰোধত নাট্যকাৰ শৰ্মাই অতি কম সময়ৰ 

         ভিতৰত কাৰোবাৰ হতুৱাই কম্পিউতাৰত 

         "বেনজীৰ ভুট্টো"ৰ গেট-আপত আঙুৰলতাৰ 

         ফটো এখন ডিজাইন কৰাই আনিছিল। ফটো 

         খন আছিল সেই পৃষ্ঠাটোৰ সৌন্দৰ্য।)

আমি পৃষ্ঠাটো সজাইছিলোঁ ভ্ৰাম্যমাণ থিয়েটাৰ নাটক কেন্দ্ৰীক অচ্যুৎ কুমাৰ পটোৱাৰীৰ এটা লেখা, গুঞ্জন ফুকনৰ শৰতৰ গীত কেন্দ্ৰীক আন এটা লেখা আৰু

 "বেনজীৰ ভুট্টো"ৰ গেট-আপত আঙুৰলতা ডেকাৰ ফটো এখন। 

 "অসমীয়া প্ৰতিদিন"ত ছপা হোৱা ফটো খনে হয়তো আঙুৰলতা ডেকাক আনন্দ দিছিল!

 সেইদিনা ৰাতি নাট্যদলটোৰ গণেশগুৰিৰ পেণ্ডেলত আঙুৰলতাই সেই বিশেষ ফটো খন ছপা হোৱাৰ বাবে মোক ধন্যবাদ জনাইছিল। --তাৰ আগলৈক অভিনেত্ৰী গৰাকীৰ সৈতে মোৰ চিনাকী নাছিল।

 --সেই চিনাকীৰ কেইদিন মান পাছতে আঙুৰলতা আমাৰ বেলশৰ (নলবাৰী)-ৰ  ঘৰলৈ গৈছিল। আৰু সেইদিনা প্ৰথমবাৰ অভিনেত্ৰী গৰাকীৰ সৈতে অভিনয় কেন্দ্ৰীক কথা পাতিছিলোঁ।

       আঙুৰলতাৰ ঘৰো নলবাৰীত। অভিনয় কৰি 

       খাম বুলি অভিনয়ৰ ক্ষেত্ৰ খনলৈ ওলাই অহা 

       প্ৰথম ছোৱালী--, পৰিয়ালটোৰ, বংশৰ। 

       প্ৰথমে পৰ্দাত, তাৰ পাছত মঞ্চত।

       পৰ্দাৰ গ্লেমাৰ লৈ ভ্ৰাম্যমাণ থিয়েটাৰৰ মঞ্চত

       অভিনয় কৰিছিল।

       অভিনয় কৰা চিনেমা: আমি অসমীয়া

       (পৰিচালক: ৰাজীৱ ভট্টাচাৰ্য্য /২০০৬)

       জোনদা ই

মান গুণ্ডা (পৰিচালক: চন্দ্ৰ মুদৈ/

       ২০০৭)

       বাঁকৰ পুতেক (পৰিচালক: চন্দ্ৰ মুদৈ/ ২০১২ )

       সূৰ্যাস্ত (পৰিচালক:;প্ৰদ্যুৎ কুমাৰ ডেকা/ ২০১৩ )

       হিয়া দিবা কাক (পৰিচালক: ৰাজীৱ বৰা/২০১৪)

        জীয়া জুৰিৰ সুবাস (পৰিচালক: সঞ্জীৱ

        সভাপণ্ডিত/২০১৪)

আঙুৰলতাৰ 'নায়িকা ইমেজ' নিৰ্মাণ হৈছিল ভিডিঅ' চিনেমাত। (ক্ৰমশ:)

assamese cinema utpalmena

📌বীৰাংগণা সাধনী

 

"বীৰাংগণা সাধনী" --এখন নতুন অসমীয়া চিনেমা। বিশ্বজিৎ বৰাৰ পৰিচালনা।

   চিনেমা খনৰ আভিনয় শিল্পী নিৰ্বাচন প্ৰক্ৰিয়াৰ সৈতে জড়িত হৈছিলোঁ বাবেই নহয়, আন দুটা দিশৰ বাবেহে চিনেমা খনক লৈ উৎসাহ অনুভৱ কৰোঁ--

          ১। চিনেমা খনৰ বিষয়বস্তু। 

          চুতীয়া ৰাজ্যৰ শেষ গৰাকী ৰাণী সাধনী কেন্দ্ৰীক ৰূপালী গল্প নিৰ্মাণৰ আয়োজন পৰ্বই আমাক ধাৰণা দিছে-- এখন পৰিপাটি চিনেমা পাব, দৰ্শকে। 

          চিনেমা খন তিনিটা ভাষাত নিৰ্মাণ হ'ব-- অসমীয়া, হিন্দী, বাংলা ভাষাত। আমাৰ ধাৰণাত অসমীয়া চিনেমাৰ নতুন বজাৰ বাট কাটিব পাৰে এই চিনেমা খনে।

          আজি চিনেমা খনৰ শুভ মহুৰত অনুষ্ঠানত 

 পৰিচালক বিশ্বজিৎ বৰাই কৈছে, ইংগীত দিছে ভাৰতৰ আন ভাষাত নিৰ্মাণ হোৱা বুৰঞ্জীমূলক চিনেমা, ঐতিহাসিক চিনেমাৰ পৰ্যায়ৰ হব "বীৰাংগণা সাধনী"ৰ চিনে কৰ্ম। ("বীৰাংগণা সাধনী"ৰ বাজেট ৩ কোটি টকা। চিনেমা খনৰ প্ৰযোজক: বীৰাংগণা সাধনী চলচ্চিত্ৰ নিৰ্মাণ সমিতি। ৰাজ্য চৰকাৰে চুতীয়া জাতিৰ উন্নয়ন পৰিষদলৈ ১৫০ কোটি টকা দিয়াৰ কথা ঘোষণা কৰিছিল। ইয়াৰে ৫০ কোটি টকা উন্নয়ন পৰিষদে ইতিমধ্যে লাভ কৰিছে। এই অনুদানৰে ৩কোটি টকাৰে চিনেমা খন নিৰ্মাণ কৰিব।

       এয়া কিন্তু সহজ কথা নহয়, বাজেট কেন্দ্ৰীক

       চিন্তাৰে কৈছোঁ। এই চিনেমা কেইখনৰ বাজেটলৈ

       মন কৰক-- মহেঞ্জো দাৰো (১১৫ কোটি টকা)

                         পানিপথ (১০০ কোটি টকা)

                         দ্য লিজেন্ড অফ ভগত সিং (২০০

                         কোটি টকা)

                         বাহুবলী: দ্য বিগিনিং (২৫০ কোটি

                         টকা)

                         বাজীৰাও মাস্তানী (২০৫ কোটি

                         টকা)

                         জোধা আকবৰ (৪০ কোটি টকা)

     --এই কথা ঠিক, অসমীয়া চিনেমাৰ নিৰ্মাণ পৰ্ব সততে ২০-৫০ লাখ টকাতে শেষ কৰা হয়। বিপৰীতে 'মিছন চাইনা', 'ৰত্নাকৰ', 'কাঞ্চনজংঘা', 'ডক্তৰ বেজবৰুৱা-২', 'শ্ৰী ৰঘুপতি'ত ২-৩ কোটি টকা খৰচ কৰাৰ খবৰ পঢ়িছো। 

--আমাৰ ধাৰণাত শ্ৰম আৰু আয়ত্বত থকা চিনে শক্তিৰে বিশ্বজিতে নিশ্চয় 'বীৰাংগণা সাধনী'ক ৰাষ্ট্ৰিয় পৰ্যায়ৰ চিনে কৰ্মলৈ লৈ যাব!

      ২। বিশ্বজিতৰ পৰিচালনাত চিনে শক্তি প্ৰথম বাৰ অনুভৱ কৰিছিলোঁ 'ফেঁহুজালি'ত। কেমেৰাৰ ভাষাৰে-সাহিত্যৰ ভাষাৰে পৰিপাটিকৈ কোৱা ৰূপালী গল্প 'ফেঁহুজালি'। চিত্ৰগৃহলৈ অহা নাই, ২০১৮ চনৰ চিনেমা। আৰু দ্বিতীয়বাৰ অনুভৱ কৰিলোঁ 'বুম্বা ৰাইড' (Boomba Ride)-ত। মিছিং , অসমীয়া ভাষাৰ চিনেমা। ২০২২ -ত চিত্ৰগৃহলৈ আহিছিল।

      অভিনাতা-আভিনেত্ৰী নিৰ্বাচন পৰ্বত পৰিচালক বিশ্বজিৎ বৰাৰ সৈতে...

----------------------------------------

        বিশ্বজিতৰ পৰিচালনা শৈলী এটা বৃত্তৰে বন্ধা নহয়। পৰিচালনা শৈলীত ভিন্নতা স্পষ্ট। 'বহ্নিমান', 'ৰক্তবীজ'ৰ দৰে বলিউড, তামিল-তেলেগুৰ 'জনপ্ৰিয়' শৈলীৰেও চিনেমা পৰিচালনা কৰিছে, 'বেলকনিত ভগৱান' নামেৰে বিষয় বস্তুকেন্দ্ৰীক (বহুতে চিনেমাৰ মধ্যম পন্থা বা midel cinema বুলিয়ো কয়।) ৰূপালী গল্পও নিৰ্মাণ কৰিছে। পৰিচালক গৰাকীৰ 'এইছা য়ে জাহান' (Aisa Yeh Jahaan) ভাৰতৰ প্ৰথম carbon neutral চিনেমা। বিষয় বস্তুক কেন্দ্ৰ কৰি এটা সহজ, মসৃন গতিৰ গল্প কৈছে পৰিচালকে।

      --এই চিনেকৰ্মৰ কথা মনত ৰাখিয়ে কৈছোঁ, 'বীৰাংগনা সাধনী' ভাল চিনে কৰ্ম নোহোৱাৰ কাৰণ নাই।

        আহিছোঁ মহুৰত অনুষ্ঠানলৈ।

        --আজি মুখ্যমন্ত্ৰী হিমন্ত বিশ্ব শর্মাই নাৰিকল 

        ভাঙি, ক্লেপষ্টিক দি এই নতুন চিনেকৰ্ম আৰম্ভ 

        কৰে। মহুৰত শ্বটত অংশ লয় অভিনেতা অৰুণ 

        হাজৰিকাই। অনুষ্ঠানৰ পাছত মুখ্যমন্ত্ৰী 

        গৰাকীৰ টুইট: বীৰাংগনা সতী সাধনীৰ স্বদেশ 

        প্ৰেম আৰু বীৰত্বৰ গাথাই আমাক প্ৰতিপল 

        জাতীয় চিন্তা-চেতনাৰে উদ্বুদ্ধ কৰি আহিছে

        জ্যোতি চিত্ৰবনৰ ফিল্ম ষ্টুডিঅ'ত 'বীৰাংগনা 

        সাধনী' শীৰ্ষক বুৰঞ্জীমূলক চলচ্চিত্ৰৰ শুভ 

        মহুৰত কৰিবলৈ পাই গৌৰৱান্বিত হৈছোঁ।'

মহুৰৎ অনুষ্ঠানৰ পাছত...

#চিনেমা #सिनेमा #সিনেমা #চলচিত্ৰ #സിനിമ #சினிமா #సినిమా #चलचित्रपट #ਸਿਨੇਮਾ #સિનેમા #ಸಿನಿಮಾ #cinema #utpalmena assamese cinema by: Utpal Mena

হিট অসমীয়া চিনেমাৰ প্ৰযোজকৰ হুমুনিয়াহ, চৰকাৰী চিনে বিলাস/৪

প্ৰায় এবছৰ পাছত আকৌ এই চৰ্চা। (চিনেবোদ্ধা, চিনেযোদ্ধা আৰু অসমীয়া 'চিনেমা নোচোৱা' সীমান্ত শেখৰ /৪ ৰ পাছত)
অপেক্ষা কৰিলোঁ। অনুভৱ কৰিলোঁ। অসমীয়া চিনেমাৰ উন্নয়ণৰ স্বাৰ্থত ASFFDC -য়ে কি কাম কৰিলে বুজিবলৈ চেষ্টা কৰিলোঁ।
filmfinance.assam.gov.in/as ৱেবছাইটত চকু ফুৰালোঁ, বিভাগটোৰ 'কাম' বুজিবলৈ।
      " ASFFDC-এ নিম্নোক্ত কাৰ্যাৱলী সম্পাদন কৰে।
      >>অসমীয়া ছবি প্ৰযোজনা কৰিবলৈ বিত্তৰ যোগান।
      >>শিল্পী কল্যাণ নিধি যোগে চলচ্চিত্ৰৰ সৈতে
      জড়িত শিল্পী, কলা-কুশলীলৈ আৰ্থিক
      সহযোগিতা আগবঢোৱা।
      >>চলচ্চিত্ৰ সংগ্ৰহালয় যোগে চলচ্চিত্ৰ সম্পৰ্কীয়
      সামগ্ৰী, নথি আদিৰ সংৰক্ষণ, প্ৰদৰ্শন।
     >> ফিল্ম আৰ্কাইভত ছবিৰ প্ৰিণ্ট সংৰক্ষণ
     >> ভাৰাৰ বিনিময়ত ১০০জনীয়া আসনৰ
      বাতানুকুল প্ৰেক্ষাগৃহৰ ব্যৱস্থা কৰা।
      >>ভাৰাৰ বিনিময়ত শ্বুটিং জেনেৰেটৰ ভেনৰ
      যোগান।"
সীমান্ত শেখৰৰ নেতৃত্বত এই 'কাৰ্যাৱলী'ৰ সম্পাদন কেনেদৰে আগবাঢ়িছে জানিবলৈ, বুজিবলৈ চেষ্টা কৰি আছোঁ। আমি বুজিবলৈ চেষ্টা কৰি আছোঁ-- মাজে মাজে যে বিভাগটোৰ ফালৰ পৰা অসমীয়া চিনেমাৰ উন্নয়ণৰ বাট বিছাৰি মুম্বাইলৈ যায়! কান চলচ্চিত্ৰ মহোৎসৰলৈ যায়! --কিয় যায়?
যোৱা সকলৰ পৰা আমি নিশ্চয় বুজিবলৈ চেষ্টা কৰিম-- মুম্বাই, কানলৈ চৰকাৰী খৰচত গৈ অসমীয়া চিনেমাৰ উন্নয়ণৰ বাবে কি 'মন্ত্ৰ'নো আনিলে, আনি ASFFDC-ক দিলে?
          ৰাজ্যৰ বাহিৰত অসমীয়া চিনেমাৰ বাবে
          বজাৰ ইত্যাদিৰ যদি সন্ধান পাইছে মুকলিকৈ
          জনালে অন্তঃত বুজিব পাৰিম-- এই যে মুম্বাই,
          কান যাত্ৰ, এয়া 'চৰকাৰী চিনে বিলাস' নহয়।
অসমীয়া ভাষাত বলীউড, তামিল-তেলেগু ভাষাৰ  বাণিজ্যিক শৈলীৰে নিৰ্মাণ হোৱা চিনেমাৰ বজাৰ চিন্তা ASFFDC -য়ে কৰাৰ প্ৰয়োজন নাই। ভাল ভাল অসমীয়া চিনেমা নিৰ্মাণ হৈছে, হৈ আছে। এই চিনেমাবোৰৰ বাবে অসমৰ বিভিন্ন স্থানত 'বজাৰ'ৰ সুবিধা কৰি দিয়াটোহে ASFFDC-ৰ দায়িত্ব বুলি ভাবো। 'গৰু', 'অনুৰ' আদিয়ে নিজা উদ্যোগত নিজৰ নিজৰ চিনেমা অসমৰ বিভিন্ন প্ৰান্তলৈ লৈ গৈছে। সফলো হৈছে। সফল হোৱা এই স্থান বোৰত যদি চিত্ৰগৃহ থাকিল হেতেন!
           আমি বাৰে বাৰে কৈ আহিছোঁ--, অসমৰ
           বাহিৰত, দেশৰ বাহিৰত বজাৰৰ সন্ধান
           কৰক! প্ৰথমে অসমীয়া চিনেমাৰ বাবে
           অসমৰ বজাৰ খন ঠিক কৰি দিয়ক। --মনত
           ৰখা ভাল এখন 'ৰত্নাকৰ', এখন 'মিছন
           চাইনা'ই অসমীয়া চিনেমীয়া চিনেমাৰ স্থানীয়
           বজাৰ খন স্থায়ী, স্থিৰ নকৰে। 'কথানদী',
           'গৰু', 'বৰনদী ভটীয়াই', 'মেডইন নলবাৰী'ৰ
           দৰে অসমীয়া চিনেমাৰ ধাৰিবাহিক
           বাণিজ্যিক সফলতাৰেহে স্থায়ী স্থানীয় বজাৰ
           নিৰ্মাণ সম্ভৱ।
--আৰু?
কোটি টকা বাজেটৰ অসমীয়া ভাষাৰ চিনেমাৰ 'চুপাৰ-ডুপাৰ' ব্যৱসায়ে অসমীয়া চিনেমাৰ বাণিজ্যিক গতি দ্ৰুত কৰা নাই, মন্থৰহে কৰি আহিছে। (ক্ৰমশ:)

assamrse cinema utpalmena